म. टा. खास प्रतिनिधी, मुंबई
दिवसेंदिवस हायटेक होणाऱ्या तंत्रज्ञानप्रमाणे मुंबई पोलिसांनी देखील आपल्या कार्यपद्धतीत बदल करण्याचे ठरविले आहे. महत्त्वाची आणि संवेदनशील ठिकाणे, गुन्हे घडण्याच्या संभाव्य जागा, तसेच मुंबईतील इतर परिसरात अधिक प्रभावीपणे गस्त व्हावी म्हणून गस्तीवरील पोलिसांना आता क्यूआर कोड स्कॅनिंग करावे लागणार आहे. पेट्रोलिंगमध्ये होणारी टाळाटाळ रोखण्यासाठी आणि पोलिस गस्तीवर आहेत हे कळावे यासाठी ही क्लृप्ती राबवली जात आहे.
करोनामुळे लॉकडाउन असल्याने मुंबईतील रस्त्यावरील गुन्हे काही प्रमाणात नियंत्रणात आले होते. मात्र, लॉकडाउन शिथिल होताच पुन्हा गुन्हेगारी कारवाया सुरू झाल्या आहेत. त्यातच मुंबई देशाची आर्थिक राजधानी असल्याने सदैव दहशतवाद्यांचा धोका असतो. त्यामुळे मुंबई पोलिसांच्या वतीने पुन्हा पायी तसेच दुचाकी, चारचाकी वाहनातून गस्तीला प्राधान्य दिली जात आहे. बीट मार्शल, तसेच पोलिस ठाण्यातील इतर अधिकारी किंवा कर्मचारी यांच्यामार्फत पेट्रोलिंग केली जाते का? पोलिसांमार्फत गस्तीमध्ये टाळाटाळ होत नाही ना, हे जाणून घेण्यासाठी नवीन क्यू आर कोड प्रणाली विकसीत केली आहे. सर्वप्रथम दक्षिण मुंबईत हा प्रयोग राबविण्यात येत असून महत्त्वाच्या ठिकाणी क्यू आर कोड चिकटविण्यात आले आहेत. गस्तीवर असलेल्या पोलिसांनी आपल्या मोबाइलमधील विशेष अॅपद्वारे हा क्यू आर कोड स्कॅन केल्यास त्याने गस्त केल्याचे वरिष्ठ अधिकाऱ्यांना कळेल. तसेच यादरम्यान या ठिकाणी काही घडल्यास त्याची जबाबदारी गस्त घातलेल्या पोलिसाची असेल.
क्यू आर कोड प्रणाली
- प्रत्येक पोलिस ठाण्यांना आपल्या हद्दीतील ज्या ठिकाणी गस्त आवश्यक आहे अशी ६० महत्त्वाची ठिकाणे निवडण्यास सांगण्यात आले आहे.
- हा प्रयोग राबविताना तीन टप्प्यांत विभागणी केली आहे.
- प्रत्येक दोन तासानंतर गस्त आवश्यक असलेली ठिकाणे पहिल्या टप्प्यात
- दिवसातून एकदा गस्त असलेली ठिकाणे दुसऱ्या टप्प्यात
- आठवड्यातून एकदा गस्त गरजेची असलेली ठिकाणे तिसऱ्या टप्प्यात असतील
- उद्याने, चौपाट्या, समुद्रकिनारे अशा वर्दळीच्या ठिकाणी मध्यभागी किंवा परिसर पूर्ण होत असेल, अशा जागेवर हे क्यू आर कोड चिकटवले आहेत.
- गस्त पूर्ण करून पोलिस या ठिकाणी पोहोचेल.
दक्षिण मुंबईत सुरू झालेला हा प्रयोग यशस्वी झाल्यास संपूर्ण मुंबईत राबविण्यात येणार.
दिवसेंदिवस हायटेक होणाऱ्या तंत्रज्ञानप्रमाणे मुंबई पोलिसांनी देखील आपल्या कार्यपद्धतीत बदल करण्याचे ठरविले आहे. महत्त्वाची आणि संवेदनशील ठिकाणे, गुन्हे घडण्याच्या संभाव्य जागा, तसेच मुंबईतील इतर परिसरात अधिक प्रभावीपणे गस्त व्हावी म्हणून गस्तीवरील पोलिसांना आता क्यूआर कोड स्कॅनिंग करावे लागणार आहे. पेट्रोलिंगमध्ये होणारी टाळाटाळ रोखण्यासाठी आणि पोलिस गस्तीवर आहेत हे कळावे यासाठी ही क्लृप्ती राबवली जात आहे.
करोनामुळे लॉकडाउन असल्याने मुंबईतील रस्त्यावरील गुन्हे काही प्रमाणात नियंत्रणात आले होते. मात्र, लॉकडाउन शिथिल होताच पुन्हा गुन्हेगारी कारवाया सुरू झाल्या आहेत. त्यातच मुंबई देशाची आर्थिक राजधानी असल्याने सदैव दहशतवाद्यांचा धोका असतो. त्यामुळे मुंबई पोलिसांच्या वतीने पुन्हा पायी तसेच दुचाकी, चारचाकी वाहनातून गस्तीला प्राधान्य दिली जात आहे. बीट मार्शल, तसेच पोलिस ठाण्यातील इतर अधिकारी किंवा कर्मचारी यांच्यामार्फत पेट्रोलिंग केली जाते का? पोलिसांमार्फत गस्तीमध्ये टाळाटाळ होत नाही ना, हे जाणून घेण्यासाठी नवीन क्यू आर कोड प्रणाली विकसीत केली आहे. सर्वप्रथम दक्षिण मुंबईत हा प्रयोग राबविण्यात येत असून महत्त्वाच्या ठिकाणी क्यू आर कोड चिकटविण्यात आले आहेत. गस्तीवर असलेल्या पोलिसांनी आपल्या मोबाइलमधील विशेष अॅपद्वारे हा क्यू आर कोड स्कॅन केल्यास त्याने गस्त केल्याचे वरिष्ठ अधिकाऱ्यांना कळेल. तसेच यादरम्यान या ठिकाणी काही घडल्यास त्याची जबाबदारी गस्त घातलेल्या पोलिसाची असेल.
क्यू आर कोड प्रणाली
- प्रत्येक पोलिस ठाण्यांना आपल्या हद्दीतील ज्या ठिकाणी गस्त आवश्यक आहे अशी ६० महत्त्वाची ठिकाणे निवडण्यास सांगण्यात आले आहे.
- हा प्रयोग राबविताना तीन टप्प्यांत विभागणी केली आहे.
- प्रत्येक दोन तासानंतर गस्त आवश्यक असलेली ठिकाणे पहिल्या टप्प्यात
- दिवसातून एकदा गस्त असलेली ठिकाणे दुसऱ्या टप्प्यात
- आठवड्यातून एकदा गस्त गरजेची असलेली ठिकाणे तिसऱ्या टप्प्यात असतील
- उद्याने, चौपाट्या, समुद्रकिनारे अशा वर्दळीच्या ठिकाणी मध्यभागी किंवा परिसर पूर्ण होत असेल, अशा जागेवर हे क्यू आर कोड चिकटवले आहेत.
- गस्त पूर्ण करून पोलिस या ठिकाणी पोहोचेल.
दक्षिण मुंबईत सुरू झालेला हा प्रयोग यशस्वी झाल्यास संपूर्ण मुंबईत राबविण्यात येणार.