तासाभरात पाणी साचले; चाकरमान्यांची दाणादाण
म. टा. खास प्रतिनिधी, मुंबई
२९ ऑगस्टनंतर दडी मारलेल्या पावसाने बुधवारपाठोपाठ गुरुवारी रात्रीसुद्धा जोरदार हजेरी लावली. मागील काही दिवसांपासून उकाड्यामुळे घामाघूम झालेल्या मुंबईकरांना गडगडाटासह पडलेल्या या पावसामुळे दिलासा मिळाला; मात्र या दमदार पावसाने कामावरून घरी परतणाऱ्या चाकरमान्यांची दाणादाण उडाली. दादर परिसरात सर्वाधिक ४४ मिमी पावसाची नोंद झाली. केवळ तासभर पडलेल्या पावसाने शहरात ठिकठिकाणी पाणी साचले.
तीन ते चार दिवसांपासून मुंबईतील हवेतील आर्द्रता वाढल्याने मुंबईकर घामाच्या धारांनी चिंब झाले होते. बुधवारी मुंबई व उपनगर तसेच ठाणे, नवी मुंबईतील अनेक भागांत मध्यरात्री विजांचा लखलखाट, सोसाट्याचा वारा व ढगांच्या गडगडाटासह पाऊस पडला होता. त्यानंतर दुसऱ्या दिवशी दिवसभर पावसाने उघडीप घेतली व पुन्हा रात्री अचानक गडगडाटासह जोरदार हजेरी लावली.
सलग तासभर पडलेल्या या पावसामुळे मुंबईतील धारावी, अॅण्टॉप हिल, दादर, धारावी, शीव, वरळी, माहीम, माटुंगा, भायखळा, परळ, चेंबूर, विलेपार्ले, वांद्रे, दिंडोशी, अंधेरी, कांदिवली, दादर, मिलन सबवे, खार सबवे, अंधेरी सबवे, पोईसर सबवे आणि मालाड सबवे या भागांत पाणी तुंबले. त्यामुळे काही भागांत वाहतुकीवरही परिणाम झाला. दादर परिसरात साचलेल्या पाण्याचा निचरा करण्यासाठी पालिकेला २९ पंप सुरू करावे लागले. पश्चिम रेल्वेची वाहतूकही पावसामुळे १५ ते २० मिनिटे उशिरा सुरू होती.
रेल्वे खोळंबा
प. रेल्वेवरील माहिम आणि वांद्रे येथे गुरुवारी सायंकाळी सात वाजण्याच्या सुमारास सिग्नल यंत्रणेमध्ये बिघाड झाल्याने लोकल सेवा विस्कळीत झाली, तर संध्याकाळी पावसाचा जोर वाढल्यावरही मध्य व हार्बर मार्गावरील रेल्वे सेवाही विस्कळीत झाली.
ठिकाण पावसाची नोंद
दादर ४४ मिमी
शीव व वरळी २३ मिमी
भायखळा २५ मिमी
परळ २२ मिमी
चेंबूर २६ मिमी
कुर्ला ३२ मिमी
अंधेरी ३८ मिमी
सांताक्रूझ ४१ मिमी
विलेपार्ले ४२ मिमी
वांद्रे ४३ मिमी
दिंडोशी १७ मिमी
कांदिवली १५ मिमी
म. टा. खास प्रतिनिधी, मुंबई
२९ ऑगस्टनंतर दडी मारलेल्या पावसाने बुधवारपाठोपाठ गुरुवारी रात्रीसुद्धा जोरदार हजेरी लावली. मागील काही दिवसांपासून उकाड्यामुळे घामाघूम झालेल्या मुंबईकरांना गडगडाटासह पडलेल्या या पावसामुळे दिलासा मिळाला; मात्र या दमदार पावसाने कामावरून घरी परतणाऱ्या चाकरमान्यांची दाणादाण उडाली. दादर परिसरात सर्वाधिक ४४ मिमी पावसाची नोंद झाली. केवळ तासभर पडलेल्या पावसाने शहरात ठिकठिकाणी पाणी साचले.
तीन ते चार दिवसांपासून मुंबईतील हवेतील आर्द्रता वाढल्याने मुंबईकर घामाच्या धारांनी चिंब झाले होते. बुधवारी मुंबई व उपनगर तसेच ठाणे, नवी मुंबईतील अनेक भागांत मध्यरात्री विजांचा लखलखाट, सोसाट्याचा वारा व ढगांच्या गडगडाटासह पाऊस पडला होता. त्यानंतर दुसऱ्या दिवशी दिवसभर पावसाने उघडीप घेतली व पुन्हा रात्री अचानक गडगडाटासह जोरदार हजेरी लावली.
सलग तासभर पडलेल्या या पावसामुळे मुंबईतील धारावी, अॅण्टॉप हिल, दादर, धारावी, शीव, वरळी, माहीम, माटुंगा, भायखळा, परळ, चेंबूर, विलेपार्ले, वांद्रे, दिंडोशी, अंधेरी, कांदिवली, दादर, मिलन सबवे, खार सबवे, अंधेरी सबवे, पोईसर सबवे आणि मालाड सबवे या भागांत पाणी तुंबले. त्यामुळे काही भागांत वाहतुकीवरही परिणाम झाला. दादर परिसरात साचलेल्या पाण्याचा निचरा करण्यासाठी पालिकेला २९ पंप सुरू करावे लागले. पश्चिम रेल्वेची वाहतूकही पावसामुळे १५ ते २० मिनिटे उशिरा सुरू होती.
रेल्वे खोळंबा
प. रेल्वेवरील माहिम आणि वांद्रे येथे गुरुवारी सायंकाळी सात वाजण्याच्या सुमारास सिग्नल यंत्रणेमध्ये बिघाड झाल्याने लोकल सेवा विस्कळीत झाली, तर संध्याकाळी पावसाचा जोर वाढल्यावरही मध्य व हार्बर मार्गावरील रेल्वे सेवाही विस्कळीत झाली.
ठिकाण पावसाची नोंद
दादर ४४ मिमी
शीव व वरळी २३ मिमी
भायखळा २५ मिमी
परळ २२ मिमी
चेंबूर २६ मिमी
कुर्ला ३२ मिमी
अंधेरी ३८ मिमी
सांताक्रूझ ४१ मिमी
विलेपार्ले ४२ मिमी
वांद्रे ४३ मिमी
दिंडोशी १७ मिमी
कांदिवली १५ मिमी