बँड, चर्चा, स्पर्धा यांनी रंगला कॅम्पस
म. टा. प्रतिनिधी, मुंबई
आधुनिकतेची भारतीय परंपरेशी सांगड घालणारा माटुंगा येथील रुईया कॉलेजचा ‘उत्सव आरोहण १६’ हा फेस्टिव्हल सध्या मोठ्या जल्लोषात कॅम्पसमध्ये सुरू आहे. ‘टर्न द क्लॉक’ अशी यंदाच्या ‘उत्सव आरोहण’ची थीम आहे. ‘महाराष्ट्र टाइम्स’ या फेस्टिव्हलचा मीडिया पार्टनर आहे.
संस्कृती ढोलपथकाच्या वादनाने या उत्सवाला मंगळवारी प्रारंभ झाला. विविध संस्कृतिक कार्यक्रमांचे यंदा ‘उत्सव आरोहण’मध्ये आयोजन करण्यात आले होते. सध्या चर्चेत असलेल्या ‘अभंग रिपोस्ट बँड’ने यावेळी विविध संतांचे अभंग रॉकिंग स्टाइलमध्ये सादर केले.
स्पर्धांबरोबर ‘वॉक्सपॉप्युले’ या कार्यक्रमाच्या माध्यमातून विविध क्षेत्रातील दिग्गजांशी संवाद साधण्याची संधी विद्यार्थ्यांना मिळाली आहे. यात ‘भारताची बदलती व्याख्या आणि राजकारणातील सोशल मीडियाचा हस्तक्षेप’ या विषयांवर परिसंवाद रंगला. यावेळी प्रा. अलोक ओक, प्रा. देवेंद्र पै, अनिकेत ओव्हल, अक्षय मराठे आदी तज्ज्ञांनी आपले मत मांडले. ‘टॉक विथ कौतुक श्रीवास्तव’ या कार्यक्रमात स्टॅन्डअप कॉमिडी फेम कौतुक श्रीवास्तव यांची मुलाखत घेण्यात आली.
रुइयाचा कॅम्पस ‘उत्सव आरोहण’च्या गजराने दुमदुला होता. कॅम्पसमध्ये कोणी फेस पेंटिंग करत होते, तर कोणी वेगवेगळे गेम्स खेळण्यात रंगले होते.
यंदाच्या ‘उत्सव आरोहण’च्या आकर्षणाचा केंद्रबिंदू ठरला, तो ‘मेलडी मेला’ हा कार्यक्रम. यात विविध वाद्यांची जुगलबंदी विद्यार्थ्यांना अनुभवायला मिळाली. पेटी, तबला या वाद्यांसोबतच जलतरंगसारख्या सुरमय वाद्याने सर्वांचे लक्ष वेधून घेतले. फोटोग्राफी, पिक्शनरी, बॉडी पेंटिंग, श्रीमंत योगी, मर्डर मेस्ट्री, क्रिएटिव राइटिंग, जस्ट अ मिनिट यांसारखे अनेक इव्हेंट्सदेखील रंगले होते. आज ‘उत्सव आरोहण’चा शेवटचा दिवस असून भन्नाट स्पर्धा आणि कार्यक्रमांनी फेस्टची सांगता होईल.
म. टा. प्रतिनिधी, मुंबई
आधुनिकतेची भारतीय परंपरेशी सांगड घालणारा माटुंगा येथील रुईया कॉलेजचा ‘उत्सव आरोहण १६’ हा फेस्टिव्हल सध्या मोठ्या जल्लोषात कॅम्पसमध्ये सुरू आहे. ‘टर्न द क्लॉक’ अशी यंदाच्या ‘उत्सव आरोहण’ची थीम आहे. ‘महाराष्ट्र टाइम्स’ या फेस्टिव्हलचा मीडिया पार्टनर आहे.
संस्कृती ढोलपथकाच्या वादनाने या उत्सवाला मंगळवारी प्रारंभ झाला. विविध संस्कृतिक कार्यक्रमांचे यंदा ‘उत्सव आरोहण’मध्ये आयोजन करण्यात आले होते. सध्या चर्चेत असलेल्या ‘अभंग रिपोस्ट बँड’ने यावेळी विविध संतांचे अभंग रॉकिंग स्टाइलमध्ये सादर केले.
स्पर्धांबरोबर ‘वॉक्सपॉप्युले’ या कार्यक्रमाच्या माध्यमातून विविध क्षेत्रातील दिग्गजांशी संवाद साधण्याची संधी विद्यार्थ्यांना मिळाली आहे. यात ‘भारताची बदलती व्याख्या आणि राजकारणातील सोशल मीडियाचा हस्तक्षेप’ या विषयांवर परिसंवाद रंगला. यावेळी प्रा. अलोक ओक, प्रा. देवेंद्र पै, अनिकेत ओव्हल, अक्षय मराठे आदी तज्ज्ञांनी आपले मत मांडले. ‘टॉक विथ कौतुक श्रीवास्तव’ या कार्यक्रमात स्टॅन्डअप कॉमिडी फेम कौतुक श्रीवास्तव यांची मुलाखत घेण्यात आली.
रुइयाचा कॅम्पस ‘उत्सव आरोहण’च्या गजराने दुमदुला होता. कॅम्पसमध्ये कोणी फेस पेंटिंग करत होते, तर कोणी वेगवेगळे गेम्स खेळण्यात रंगले होते.
यंदाच्या ‘उत्सव आरोहण’च्या आकर्षणाचा केंद्रबिंदू ठरला, तो ‘मेलडी मेला’ हा कार्यक्रम. यात विविध वाद्यांची जुगलबंदी विद्यार्थ्यांना अनुभवायला मिळाली. पेटी, तबला या वाद्यांसोबतच जलतरंगसारख्या सुरमय वाद्याने सर्वांचे लक्ष वेधून घेतले. फोटोग्राफी, पिक्शनरी, बॉडी पेंटिंग, श्रीमंत योगी, मर्डर मेस्ट्री, क्रिएटिव राइटिंग, जस्ट अ मिनिट यांसारखे अनेक इव्हेंट्सदेखील रंगले होते. आज ‘उत्सव आरोहण’चा शेवटचा दिवस असून भन्नाट स्पर्धा आणि कार्यक्रमांनी फेस्टची सांगता होईल.