म. टा. खास प्रतिनिधी, मुंबई
मुंबईत मराठी विज्ञान परिषद आणि सांस्कृतिक कार्य संचालनालयाच्या माध्यमातून आयोजित विज्ञान एकांकिका स्पर्धेमध्ये विद्यार्थ्यांनी विज्ञान विचारांशी मैत्री साधत त्यांचा प्रचारही केला. विज्ञान-सुखी जीवनाचा धागा (संदेश विद्यालय) आणि मेरी क्युरी (जिज्ञासा ट्रस्ट, खुला गट) यांनी प्राथमिक फेरीत बाजी मारली. विलेपार्ले येथील डहाणूकर महाविद्यालयामध्ये स्पर्धेचे आयोजन करण्यात आले होते. ‘महाराष्ट्र टाइम्स’ या स्पर्धेचा मीडिया पार्टनर आहे.
विज्ञान एकांकिका स्पर्धेचे हे दुसरे वर्ष आहे. यंदा झालेल्या प्राथमिक फेरीत शालेय आणि खुल्या गटात मिळून आठ संस्था सहभागी झाल्या होत्या. यात सात-आठ वर्षांपासून महाविद्यालयीन विद्यार्थ्यांनी कला सादर केली. वास्तववादी आणि काल्पनिक अशा दोन्ही प्रकारांमध्ये एकांकिका सादर करण्यात आल्या. दैनंदिन जीवनातील विज्ञान, विज्ञान आणि धर्मसंघर्ष, मेरी क्युरी, जगदीशचंद्र बोस, न्यूटन आणि गुरुत्वाकर्षण, विज्ञानकथा लेखकांच्या कथेवर आधारित एकांकिका असे वैविध्यपूर्ण विषय सहभागी संस्था आणि विद्यार्थ्यांनी परिणामकारकतेने प्रेक्षकांपर्यंत पोहोचवले. नाशिकमध्ये गुरुवारी स्पर्धेची प्राथमिक फेरी पार पडेल.
मुंबईमध्ये पार पडलेल्या प्राथमिक फेरीचे परीक्षण डॉ. सुनील भागवत, राजीव जोशी आणि रवींद्र ढवळे यांनी केले. मुलांमधील उत्साह कौतुकास्पद होता. त्यांनी विषय समजून एकांकिका सादर केली, अशी प्रतिक्रिया परीक्षकांनी दिली. मेरी क्युरींबद्दल ऐकले होते. मात्र प्रत्यक्ष लिहिताना हा विषय किती मोठा आहे याचा अंदाज आला. विज्ञान आणि सामान्य माणूस यांच्यातील दरी बुजवण्याचा हा चांगला प्रयत्न असल्याची प्रतिक्रिया जिज्ञासा ट्रस्टच्या नाटकाचे दिग्दर्शक राजेश पटवर्धन यांनी व्यक्त केली.
सहभागी शाळा-कॉलेजे
स. दा. वर्तक विद्यालय, पालघर
कोटकर विद्यालय, डोंबिवली
सरस्वती विद्यामंदिर, ठाणे
म. ल. डहाणूकर महाविद्यालय,विलेपार्ले
संदेश विद्यालय, विक्रोळी
जिज्ञासा ट्रस्ट
अमरहिंद मंडळ
गमभन क्रिएशन्स
मुंबईत मराठी विज्ञान परिषद आणि सांस्कृतिक कार्य संचालनालयाच्या माध्यमातून आयोजित विज्ञान एकांकिका स्पर्धेमध्ये विद्यार्थ्यांनी विज्ञान विचारांशी मैत्री साधत त्यांचा प्रचारही केला. विज्ञान-सुखी जीवनाचा धागा (संदेश विद्यालय) आणि मेरी क्युरी (जिज्ञासा ट्रस्ट, खुला गट) यांनी प्राथमिक फेरीत बाजी मारली. विलेपार्ले येथील डहाणूकर महाविद्यालयामध्ये स्पर्धेचे आयोजन करण्यात आले होते. ‘महाराष्ट्र टाइम्स’ या स्पर्धेचा मीडिया पार्टनर आहे.
विज्ञान एकांकिका स्पर्धेचे हे दुसरे वर्ष आहे. यंदा झालेल्या प्राथमिक फेरीत शालेय आणि खुल्या गटात मिळून आठ संस्था सहभागी झाल्या होत्या. यात सात-आठ वर्षांपासून महाविद्यालयीन विद्यार्थ्यांनी कला सादर केली. वास्तववादी आणि काल्पनिक अशा दोन्ही प्रकारांमध्ये एकांकिका सादर करण्यात आल्या. दैनंदिन जीवनातील विज्ञान, विज्ञान आणि धर्मसंघर्ष, मेरी क्युरी, जगदीशचंद्र बोस, न्यूटन आणि गुरुत्वाकर्षण, विज्ञानकथा लेखकांच्या कथेवर आधारित एकांकिका असे वैविध्यपूर्ण विषय सहभागी संस्था आणि विद्यार्थ्यांनी परिणामकारकतेने प्रेक्षकांपर्यंत पोहोचवले. नाशिकमध्ये गुरुवारी स्पर्धेची प्राथमिक फेरी पार पडेल.
मुंबईमध्ये पार पडलेल्या प्राथमिक फेरीचे परीक्षण डॉ. सुनील भागवत, राजीव जोशी आणि रवींद्र ढवळे यांनी केले. मुलांमधील उत्साह कौतुकास्पद होता. त्यांनी विषय समजून एकांकिका सादर केली, अशी प्रतिक्रिया परीक्षकांनी दिली. मेरी क्युरींबद्दल ऐकले होते. मात्र प्रत्यक्ष लिहिताना हा विषय किती मोठा आहे याचा अंदाज आला. विज्ञान आणि सामान्य माणूस यांच्यातील दरी बुजवण्याचा हा चांगला प्रयत्न असल्याची प्रतिक्रिया जिज्ञासा ट्रस्टच्या नाटकाचे दिग्दर्शक राजेश पटवर्धन यांनी व्यक्त केली.
सहभागी शाळा-कॉलेजे
स. दा. वर्तक विद्यालय, पालघर
कोटकर विद्यालय, डोंबिवली
सरस्वती विद्यामंदिर, ठाणे
म. ल. डहाणूकर महाविद्यालय,विलेपार्ले
संदेश विद्यालय, विक्रोळी
जिज्ञासा ट्रस्ट
अमरहिंद मंडळ
गमभन क्रिएशन्स