अ‍ॅपशहर

Hindustani Bhau arrested: हिंदुस्थानी भाऊला अटक, विद्यार्थ्यांना चिथावणी दिल्याचा आरोप

मुंबईतील धारावीत विद्यार्थ्यांना आंदोलन करण्यासाठी चिथावणी दिल्याच्या आरोपाखाली हिंदुस्थानी भाऊ आणि त्याच्या आणखी एका साथीदाराला अटक केली आहे. धारावी पोलिसांनी ही कारवाई केली आहे.

Edited byटीम मटा ऑनलाइन | महाराष्ट्र टाइम्स.कॉम 1 Feb 2022, 9:43 am

हायलाइट्स:

  • मुंबईतील धारावीत विद्यार्थ्यांचे आंदोलन
  • हिंदुस्थानी भाऊसह दोघांना अटक
  • धारावी पोलिसांनी केली अटकेची कारवाई
  • विद्यार्थ्यांना चिथावल्याचा आरोप
बातमी थोडक्यात वाचण्यासाठी अॅप डाउनलोड करा
महाराष्ट्र टाइम्स.कॉम Hindustani Bhau arrested: हिंदुस्थानी भाऊला अटक, आंदोलक विद्यार्थ्यांना चिथावणी दिल्याचा आरोप
मुंबई: दहावी आणि बारावीच्या ऑफलाइन परीक्षांच्या निर्णयाविरोधात मुंबईतील धारावीत शिक्षणमंत्री वर्षा गायकवाड यांना घेराव घालत सोमवारी शेकडो विद्यार्थ्यांनी आंदोलन केले होते. हिंदुस्थानी भाऊ उर्फ विकास पाठक याने या संदर्भात सोशल मीडियावर व्हायरल केलेल्या व्हिडिओमुळे हे आंदोलन उभे राहिल्याचे समोर आल्यानंतर धारावी पोलीस ठाण्यात हिंदुस्थानी भाऊ आणि इकरार खान वखान खान यांच्याविरोधात गुन्हा दाखल करण्यात आला होता. या प्रकरणात हिंदुस्थानी भाऊ आणि इकरार खानला अटक करण्यात आली आहे.
करोना काळात दहावी आणि बारावीच्या परीक्षा ऑनलाइन घेण्याच्या मागणीसाठी काल, सोमवारी मुंबईतील धारावीत शेकडो विद्यार्थ्यांनी रस्त्यावर उतरून आंदोलन केले होते. शिक्षणमंत्री वर्षा गायकवाड यांना घेराव घालत हे आंदोलन केले होते. या आंदोलनाचे लोण पुणे, नागपूर आणि राज्यातील इतर भागात पसरले. हिंदुस्थानी भाऊ याने यासंदर्भात सोशल मीडियावर व्हायरल केलेल्या व्हिडिओमुळे हे आंदोलन उभे राहिले असल्याचे समोर आले.


मोठी बातमी : राज्यातील करोना निर्बंध शिथील; सरकारने जारी केला नवा आदेश
न्यायाधीशांच्या नवाने फसवणूक करणारा अटकेत
वर्षभर ऑनलाइन शिक्षण झाल्याने दहावी व बारावीच्या परीक्षाही ऑनलाइनच घ्याव्यात, अशी मागणी विद्यार्थ्यांनी आमच्याकडे केली आहे. या मागणीकडे सरकार लक्ष देत नसल्याने अखेर रस्त्यावर उतरावे लागेल, असा इशारा देणारा व्हिडीओ हिंदुस्थानी भाऊ या युट्यूब तसेच सोशल मीडिया हॅण्डलवरून व्हायरला झाला होता. त्यानंतर सोमवारी दुपारी अचानक राज्यातील विविध भागांत विद्यार्थ्यांची गर्दी जमू लागली. मुंबईत धारावीमध्ये जमा झालेली गर्दी पाहून सर्व यंत्रणाच अवाक झाली. एवढ्या मोठ्या प्रमाणावर गर्दी जमा होईल, असा अंदाज कुणालाच नव्हता. या विद्यार्थ्यांनी गायकवाड यांना घेराव घालत आपली मागणी समोर ठेवली. यावेळी पाठक यांनी तेथे येऊन भाषण केले. तेव्हा याबाबत चर्चा करण्यासाठी विद्यार्थ्यांनी सरकारकडे यावे, असे आवाहन गायकवाड यांनी दिले. त्यानंतर आंदोलन तात्पुरते स्थगित करण्याचे पाठक यांनी जाहीर केले. पाठक यांचे यूट्युब चॅनेल असून, तेथे तसेच अन्य सोशल मीडिया प्लॅटफॉर्मवर त्यांचे लाखो फॉलोअर्स आहेत.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज