म. टा. खास प्रतिनिधी, मुंबई
एल्फिन्स्टन रेल्वे पुलावरील प्रचंड गर्दीत भारा वाहणाऱ्या व्यक्तीकडील फुलं पडली आणि ‘फुलं पडली’ म्हणता म्हणता उच्चारसाधर्म्याने ‘पूल पडला’ असा अनेक प्रवाशांचा गैरसमज झाल्याने गोंधळ उडून चेंगराचेंगरीची घटना घडली. शॉर्टसर्किट वा अन्य कोणतीही अफवा चेंगराचेंगरीस कारणीभूत नव्हती, तर पावसामुळे पुलावर प्रचंड गर्दी झाली असताना, क्षमतेपेक्षा जास्त फुलं वाहणाऱ्या व्यक्तीचा तोल गेल्याने ही दुर्घटना झाल्याचे यातून वाचलेल्या शिल्पा विश्वकर्मा (२०) या तरुणीने मंगळवारी महाराष्ट्र टाइम्सला सांगितले.
एल्फिन्स्टन रोड येथे राहणारी शिल्पा बारावीनंतर इंजिनीअरिंग शिक्षणाच्या तयारीसाठी दररोज विलेपार्ले येथे क्लासला जाते. सकाळी १० वाजल्यानंतर स्लो लोकल पकडण्यासाठी ती या पुलावरून जाते. दुर्घटना झाली त्या दिवशी, म्हणजेच शुक्रवारी शिल्पा नेहमीप्रमाणे क्लासला जाण्यासाठी निघाली होती.
त्यादिवशी पुलावर नेहमीपेक्षा जास्त गर्दी होते, हे त्यांच्या लक्षात आले. पाऊस असल्याने अनेकजण भिजण्याच्या भीतीने पुलावरच थांबून राहिले होते. त्यामुळे गर्दी वाढत गेली. ती पुलाच्या मधोमध असतानाच आवाज सुरू झाला. पुलावरील तिकीट खिडकीजवळील भागात डोक्यावर फुलांचा मोठा भारा
वाहून नेत असलेली एक व्यक्ती होती. तिच्या डोक्यावरून फुले खाली पडू लागली. तेव्हाच ‘फूल पडले’ असे आवाज ऐकू आले. त्यानंतर काही क्षणातच फुलांऐवजी ‘पूल पडला’ असा गैरसमज होऊन आवाज वाढल्याने गोंधळ सुरू झाला. या गोंधळात एका व्यक्तीचा पाय सरकला आणि त्यानंतर एकमेकांवर माणसे पडू लागली, असा भीषण अनुभव शिल्पा हिने सांगितला.
सकाळी साधारण १०.१५ वाजता हा गोंधळ आणि चेंगराचेंगरी सुरू झाली. काय सुरू आहे तेच कळेना, नुसताच आक्रोश, किंकाळ्या, ‘वाचवा’ असे आवाज घुमू लागले. पावसाचा जोर, पुलावर थांबलेल्या प्रवाशांची गर्दी या साऱ्यातून चेंगराचेंगरी सुरू झाल्याचे शिल्पा हिचे म्हणणे आहे. मुंबई सेंट्रल येथील पश्चिम रेल्वेच्या विभागीय कार्यालयात शिल्पा ही मंगळवारी आली होती. त्यावेळी तिचा जबाब नोंदवून घेण्यात आला.
अर्धा तास चेंगराचेंगरी!
स. १०.१५ ते स. १०.४५पर्यंत चेंगराचेंगरी सुरू होती. हा प्रकार पाहून स्थानिकांनी मदत केल्याचे शिल्पा हिने सांगितले.
बचावकर्ता मुत्युमुखी
पुलाच्या मधोमध उभी असल्याने प्रवासी अंगावर पडून बराच मार लागला. उजवा हात काळा-निळा झाला. एका व्यक्तीने मला बाहेर काढले, त्यामुळे माझे प्राण वाचले. पण, मला वाचविणारी व्यक्ती मला वाचविताना इतरांच्या भाराने मृत्युमुखी पडल्याचे सांगताना तिच्या डोळ्यांत अश्रू तरळले.
२९ ऑगस्टला एल्फिन्स्टन पुलावर घडलेल्या भयंकर घटनेतून बचावलेल्या शिल्पा विश्वकर्माने सांगितला आपल्यावर बेतलेला प्रसंग-व्हिडिओ : हेमंत साटम pic.twitter.com/DKY4ZmfJ17 — maharashtratimes.com (@mataonline) October 3, 2017
एल्फिन्स्टन रेल्वे पुलावरील प्रचंड गर्दीत भारा वाहणाऱ्या व्यक्तीकडील फुलं पडली आणि ‘फुलं पडली’ म्हणता म्हणता उच्चारसाधर्म्याने ‘पूल पडला’ असा अनेक प्रवाशांचा गैरसमज झाल्याने गोंधळ उडून चेंगराचेंगरीची घटना घडली. शॉर्टसर्किट वा अन्य कोणतीही अफवा चेंगराचेंगरीस कारणीभूत नव्हती, तर पावसामुळे पुलावर प्रचंड गर्दी झाली असताना, क्षमतेपेक्षा जास्त फुलं वाहणाऱ्या व्यक्तीचा तोल गेल्याने ही दुर्घटना झाल्याचे यातून वाचलेल्या शिल्पा विश्वकर्मा (२०) या तरुणीने मंगळवारी महाराष्ट्र टाइम्सला सांगितले.
एल्फिन्स्टन रोड येथे राहणारी शिल्पा बारावीनंतर इंजिनीअरिंग शिक्षणाच्या तयारीसाठी दररोज विलेपार्ले येथे क्लासला जाते. सकाळी १० वाजल्यानंतर स्लो लोकल पकडण्यासाठी ती या पुलावरून जाते. दुर्घटना झाली त्या दिवशी, म्हणजेच शुक्रवारी शिल्पा नेहमीप्रमाणे क्लासला जाण्यासाठी निघाली होती.
त्यादिवशी पुलावर नेहमीपेक्षा जास्त गर्दी होते, हे त्यांच्या लक्षात आले. पाऊस असल्याने अनेकजण भिजण्याच्या भीतीने पुलावरच थांबून राहिले होते. त्यामुळे गर्दी वाढत गेली. ती पुलाच्या मधोमध असतानाच आवाज सुरू झाला. पुलावरील तिकीट खिडकीजवळील भागात डोक्यावर फुलांचा मोठा भारा
वाहून नेत असलेली एक व्यक्ती होती. तिच्या डोक्यावरून फुले खाली पडू लागली. तेव्हाच ‘फूल पडले’ असे आवाज ऐकू आले. त्यानंतर काही क्षणातच फुलांऐवजी ‘पूल पडला’ असा गैरसमज होऊन आवाज वाढल्याने गोंधळ सुरू झाला. या गोंधळात एका व्यक्तीचा पाय सरकला आणि त्यानंतर एकमेकांवर माणसे पडू लागली, असा भीषण अनुभव शिल्पा हिने सांगितला.
सकाळी साधारण १०.१५ वाजता हा गोंधळ आणि चेंगराचेंगरी सुरू झाली. काय सुरू आहे तेच कळेना, नुसताच आक्रोश, किंकाळ्या, ‘वाचवा’ असे आवाज घुमू लागले. पावसाचा जोर, पुलावर थांबलेल्या प्रवाशांची गर्दी या साऱ्यातून चेंगराचेंगरी सुरू झाल्याचे शिल्पा हिचे म्हणणे आहे. मुंबई सेंट्रल येथील पश्चिम रेल्वेच्या विभागीय कार्यालयात शिल्पा ही मंगळवारी आली होती. त्यावेळी तिचा जबाब नोंदवून घेण्यात आला.
अर्धा तास चेंगराचेंगरी!
स. १०.१५ ते स. १०.४५पर्यंत चेंगराचेंगरी सुरू होती. हा प्रकार पाहून स्थानिकांनी मदत केल्याचे शिल्पा हिने सांगितले.
बचावकर्ता मुत्युमुखी
पुलाच्या मधोमध उभी असल्याने प्रवासी अंगावर पडून बराच मार लागला. उजवा हात काळा-निळा झाला. एका व्यक्तीने मला बाहेर काढले, त्यामुळे माझे प्राण वाचले. पण, मला वाचविणारी व्यक्ती मला वाचविताना इतरांच्या भाराने मृत्युमुखी पडल्याचे सांगताना तिच्या डोळ्यांत अश्रू तरळले.
२९ ऑगस्टला एल्फिन्स्टन पुलावर घडलेल्या भयंकर घटनेतून बचावलेल्या शिल्पा विश्वकर्माने सांगितला आपल्यावर बेतलेला प्रसंग-व्हिडिओ : हेमंत साटम pic.twitter.com/DKY4ZmfJ17 — maharashtratimes.com (@mataonline) October 3, 2017