मुंबईच्या पुढील आयुक्तांच्या नावाची चर्चा
म. टा. विशेष प्रतिनिधी, मुंबई
मुंबई महापालिकेचे आयुक्त अजय मेहता यांच्यासह संजय भाटिया, मुकेश खुल्लर, भगवान सहाय्य, मालिनी शंकरन या वरिष्ठ सनदी अधिकाऱ्यांची केंद्रात सचिव म्हणून प्रतिनियुक्तीवर निवड झाली आहे. यासंदर्भातील आदेश केंद्र सरकारने या आठवड्यात जारी केले. अजय मेहता हे प्रतिनियुक्तीवर केंद्रात सचिव म्हणून जाणार असल्याने मुंबई महापालिकेचे पुढचे आयुक्त कोण, याची चर्चा राज्याच्या प्रशासनात सुरू झाली आहे.
राज्यात भाजपचे सरकार आल्यानंतर अजय मेहता यांची मुंबई महापालिकेचे आयुक्त म्हणून नियुक्ती करण्यात आली होती. सीताराम कुंटे यांना आयुक्तपदावरुन हटवून मेहता यांची नियुक्ती केली होती. मेहता यांना महापालिका आयुक्त म्हणून दोन वर्षे पूर्ण होत आहेत. त्यांनी केंद्रात सचिव म्हणून प्रतिनियुक्तीसाठी अर्ज केला होता. त्यासोबत संजय भाटिया, अजय भूषण पांडे, भगवान सहाय्य, मुकेश खुल्लर या वरिष्ठ सनदी अधिकाऱ्यांचीही केंद्रात सचिव या पदासाठी निवड झाली आहे. त्याबाबतचे आदेश केंद्र सरकारने जारी केले आहेत.
अजय मेहता हे केंद्रात सचिव म्हणून प्रतिनियुक्तीवर जाणार असून महापालिका आयुक्त पद रिक्त होणार आहे. त्यामुळे या जागेसाठी कोणाची नियुक्ती होणार, याबद्दल प्रशासनात चर्चा सुरू झाली आहे. एमएमआरडीएचे आयुक्त यु. पी. एस. मदान यांच्यासह अनेक वरिष्ठ सनदी अधिकाऱ्यांची नावे चर्चेत आहेत. मुंबईचा विकास आराखडा अजून मंजूर व्हायचा आहे, त्यामुळे मुख्यमंत्री देवेंद्र फडणवीस हे कोणाची नियुक्ती करतात, याकडे सनदी अधिकाऱ्यांचे लक्ष लागले आहे.
मालिनी शंकरन या आधी जलसंपदा विभागाच्या प्रधान सचिव होत्या. मालिनी शंकरन या केंद्रात प्रतिनियुक्तीवर यापूर्वी गेल्या आहेत. परंतु त्यांची तेथे आता सचिव म्हणून निवड झाली आहे. संजय भाटिया हे बीपीटी, तर अजय भूषण पांडे हे केंद्र सरकारच्याच आधार या विभागात सध्या कार्यरत आहे. तर अजय मेहता यांच्यासह भगवान सहाय्य आणि मुकेश खुल्लर हे तीन अधिकारी राज्यात आहेत. मात्र आता या सहाही अधिकाऱ्यांची केंद्रात सचिव या पदावर नियुक्ती होईल.
म. टा. विशेष प्रतिनिधी, मुंबई
मुंबई महापालिकेचे आयुक्त अजय मेहता यांच्यासह संजय भाटिया, मुकेश खुल्लर, भगवान सहाय्य, मालिनी शंकरन या वरिष्ठ सनदी अधिकाऱ्यांची केंद्रात सचिव म्हणून प्रतिनियुक्तीवर निवड झाली आहे. यासंदर्भातील आदेश केंद्र सरकारने या आठवड्यात जारी केले. अजय मेहता हे प्रतिनियुक्तीवर केंद्रात सचिव म्हणून जाणार असल्याने मुंबई महापालिकेचे पुढचे आयुक्त कोण, याची चर्चा राज्याच्या प्रशासनात सुरू झाली आहे.
राज्यात भाजपचे सरकार आल्यानंतर अजय मेहता यांची मुंबई महापालिकेचे आयुक्त म्हणून नियुक्ती करण्यात आली होती. सीताराम कुंटे यांना आयुक्तपदावरुन हटवून मेहता यांची नियुक्ती केली होती. मेहता यांना महापालिका आयुक्त म्हणून दोन वर्षे पूर्ण होत आहेत. त्यांनी केंद्रात सचिव म्हणून प्रतिनियुक्तीसाठी अर्ज केला होता. त्यासोबत संजय भाटिया, अजय भूषण पांडे, भगवान सहाय्य, मुकेश खुल्लर या वरिष्ठ सनदी अधिकाऱ्यांचीही केंद्रात सचिव या पदासाठी निवड झाली आहे. त्याबाबतचे आदेश केंद्र सरकारने जारी केले आहेत.
अजय मेहता हे केंद्रात सचिव म्हणून प्रतिनियुक्तीवर जाणार असून महापालिका आयुक्त पद रिक्त होणार आहे. त्यामुळे या जागेसाठी कोणाची नियुक्ती होणार, याबद्दल प्रशासनात चर्चा सुरू झाली आहे. एमएमआरडीएचे आयुक्त यु. पी. एस. मदान यांच्यासह अनेक वरिष्ठ सनदी अधिकाऱ्यांची नावे चर्चेत आहेत. मुंबईचा विकास आराखडा अजून मंजूर व्हायचा आहे, त्यामुळे मुख्यमंत्री देवेंद्र फडणवीस हे कोणाची नियुक्ती करतात, याकडे सनदी अधिकाऱ्यांचे लक्ष लागले आहे.
मालिनी शंकरन या आधी जलसंपदा विभागाच्या प्रधान सचिव होत्या. मालिनी शंकरन या केंद्रात प्रतिनियुक्तीवर यापूर्वी गेल्या आहेत. परंतु त्यांची तेथे आता सचिव म्हणून निवड झाली आहे. संजय भाटिया हे बीपीटी, तर अजय भूषण पांडे हे केंद्र सरकारच्याच आधार या विभागात सध्या कार्यरत आहे. तर अजय मेहता यांच्यासह भगवान सहाय्य आणि मुकेश खुल्लर हे तीन अधिकारी राज्यात आहेत. मात्र आता या सहाही अधिकाऱ्यांची केंद्रात सचिव या पदावर नियुक्ती होईल.