म. टा. खास प्रतिनिधी, मुंबई
वृद्ध दाम्पत्य घरात एकटेच राहत असल्याचा गैरफायदा घेत डुप्लिकेट चावीने घरातील साडेपाच लाखांचे दागिने चोरणाऱ्या दोघांना गुन्हे शाखेने बुधवारी अटक केली. रुचिता तन्ना आणि दीपक सरकिया असे या दोघांचे नाव असून दीपक याने चोरीचे दागिने खरेदी करून ते वितळवल्याचे उघड झाले आहे.
चारकोप येथील एका सोसायटीमध्ये ७१ वर्षाचे वृद्ध आणि त्यांची पत्नी असे दोघेच राहतात. मुले परदेशात असल्याने घरामध्ये सीसीटीव्ही लावण्यात आले आहेत. इतकेच नाही तर आई-वडिलांशी बोलण्यासाठी व्हिडीओ कॉलिंगची देखील व्यवस्था करण्यात आली आहे. असे असतानाही हे दोघे घरामध्ये नसताना डुप्लिकेट चावीने घर उघडून घरातील साडेपाच लाखांचे दागिने पळवण्यात आले. चोरी झाली असतानाही घाबरून या ज्येष्ठ नागरिकांनी पोलिसांत तक्रार केली नाही. मात्र घटनेची माहिती पोलिसांपर्यंत पोहोचली. गुन्हे शाखा युनिट ११ चे पोलिस निरीक्षक चिमाजी आढाव यांच्या पथकाने वृद्ध दाम्पत्याला विश्वासात घेऊन तक्रार करण्यास सांगितले. त्यांच्या तक्रारीवरून चारकोप पोलिस ठाण्यात गुन्हा दाखल करण्यात आला.
वृद्ध दाम्पत्याच्या घरी चोरी झाली त्यावेळी वीज घालवण्यात आली होती. त्यामुळे घटना सीसीटीव्हीमध्ये कैद झाली नव्हती. असे असतानाही युनिट ११ च्या पथकाने तपास करीत रुचिता तन्ना हिला अटक केली. चौकशीमध्ये रुचिता हिने दागिने दीपकला विकल्याचे समोर आले. आपण पकडले जाऊ नये, यासाठी दीपक याने सोने वितळवून त्याची लगड तयार केली. पोलिसांनी १६५ ग्रॅमची शुद्ध सोन्याची लगड हस्तगत केली. या दोन्ही आरोपींना पुढील कारवाईसाठी गुन्हे शाखेने चारकोप पोलिसांच्या ताब्यात दिले आहे.
वृद्ध दाम्पत्य घरात एकटेच राहत असल्याचा गैरफायदा घेत डुप्लिकेट चावीने घरातील साडेपाच लाखांचे दागिने चोरणाऱ्या दोघांना गुन्हे शाखेने बुधवारी अटक केली. रुचिता तन्ना आणि दीपक सरकिया असे या दोघांचे नाव असून दीपक याने चोरीचे दागिने खरेदी करून ते वितळवल्याचे उघड झाले आहे.
चारकोप येथील एका सोसायटीमध्ये ७१ वर्षाचे वृद्ध आणि त्यांची पत्नी असे दोघेच राहतात. मुले परदेशात असल्याने घरामध्ये सीसीटीव्ही लावण्यात आले आहेत. इतकेच नाही तर आई-वडिलांशी बोलण्यासाठी व्हिडीओ कॉलिंगची देखील व्यवस्था करण्यात आली आहे. असे असतानाही हे दोघे घरामध्ये नसताना डुप्लिकेट चावीने घर उघडून घरातील साडेपाच लाखांचे दागिने पळवण्यात आले. चोरी झाली असतानाही घाबरून या ज्येष्ठ नागरिकांनी पोलिसांत तक्रार केली नाही. मात्र घटनेची माहिती पोलिसांपर्यंत पोहोचली. गुन्हे शाखा युनिट ११ चे पोलिस निरीक्षक चिमाजी आढाव यांच्या पथकाने वृद्ध दाम्पत्याला विश्वासात घेऊन तक्रार करण्यास सांगितले. त्यांच्या तक्रारीवरून चारकोप पोलिस ठाण्यात गुन्हा दाखल करण्यात आला.
वृद्ध दाम्पत्याच्या घरी चोरी झाली त्यावेळी वीज घालवण्यात आली होती. त्यामुळे घटना सीसीटीव्हीमध्ये कैद झाली नव्हती. असे असतानाही युनिट ११ च्या पथकाने तपास करीत रुचिता तन्ना हिला अटक केली. चौकशीमध्ये रुचिता हिने दागिने दीपकला विकल्याचे समोर आले. आपण पकडले जाऊ नये, यासाठी दीपक याने सोने वितळवून त्याची लगड तयार केली. पोलिसांनी १६५ ग्रॅमची शुद्ध सोन्याची लगड हस्तगत केली. या दोन्ही आरोपींना पुढील कारवाईसाठी गुन्हे शाखेने चारकोप पोलिसांच्या ताब्यात दिले आहे.