जल्लोष नॉन-स्टॉप...
विद्यार्थ्यांनी सादर केलेले एकापेक्षा एक सरस कलाविष्कार. त्याला तितक्याच उत्साहात उपस्थितांची मिळालेली दाद आणि मनोरंजनसृष्टीतील नामवंत कलाकारांकडून मिळालेली कौतुकाची थाप... हे सारे 'टेन्शन खल्लास' वातावरण अनुभवायला मिळाले गोरेगावच्या पाटकर कॉलेजमध्ये. मुंबई टाइम्स कार्निव्हल अंतर्गत विद्यार्थ्यांमधील कलागुणांना आत्मविश्वासाचे बळ मिळवून देण्यासाठी आयोजित या कार्यक्रमाला अभिनेता उमेश कामत, सागर कारंडे, भूषण प्रधान, अभिनेत्री श्रृती मराठे, संस्कृती बालगुडे यांनी विशेष हजेरी लावली होती. (शैलेश जाधव)