विद्यापीठात विशेष सिनेटचे आयोजन
म. टा. प्रतिनिधी, मुंबई
मुंबई विद्यापीठाच्या रखडलेल्या निकालामुळे विस्मरणात गेलेल्या शैक्षणिक वर्ष २०१८-१९साठीच्या बृहत आराखड्याला आज, मंगळवारी अंतिम मान्यता मिळण्याची शक्यता आहे. यासाठी विद्यापीठाने मंगळवारी विशेष सिनेट आयोजित केली असून या बैठकीत याबाबत अंतिम निर्णय घेऊन त्यांना मान्यता देण्यात येणार असल्याची माहिती प्रशासनातर्फे सोमवारी देण्यात आली.
मुंबईसह राज्यातील विद्यापीठांना नव्या कॉलेज आणि तुकड्यांच्या मान्यतेसाठी बृहद आराखडा महत्त्वाचा मानला जातो. परंतु विद्यापीठाच्या रखडलेल्या निकालामुळे या बृहद आराखड्याचा विसर पडला होता. त्यामुळे बृहद आराखड्यासाठी असलेली ३१ जुलैची डेडलाइन पाळण्यात विद्यापीठाला यश आले नव्हते. ही मंजुरी मिळण्यासाठी एकाच दिवशी अॅकॅडमिक कौन्सिलसह इतर दोन प्राधिकारणांच्या बैठका रविवारीच आयोजित करण्याचा प्रयत्नही विद्यापीठाने केला होतो जो पुरता फसला. त्याची गंभीर दखल राज्याच्या उच्च व तंत्र शिक्षण मंडळाने घेत विद्यापीठाला बृहद आराखडा सादर करण्यासाठी मुदतवाढ देण्याचा निर्णय घेतला होता. त्यानुसार काही दिवसांपूर्वीच विद्यापीठात मॅनेजमेंट कौन्सिलचे आयोजन करण्यात आले होते. या बैठकीत यावर सविस्तर चर्चा करण्यात आली असून अॅकॅडमिक कौन्सिलच्या बैठकीत मंजुरीसाठी ठेवण्यात आला होता. ज्याला नुकतीच मान्यता देण्यात आली होती. या दोन्ही कौन्सिलमध्ये निकाल ठेवल्यानंतर अंतिम मान्यतेसाठी सिनेटमध्ये ठेवण्यात येणार होता. गेल्या अनेक दिवसांपासून या सिनेटसाठी विद्यापीठाने राज्यपालांकडे मागणी केली होती. अखेर १२ सप्टेंबर म्हणजे आज, मंगळवारी ही सिनेट घेण्याची सूचना राज्यपालांनी विद्यापीठाला केली आहे.
राजभवनाने या विशेष सिनेटसाठी परवानगी दिल्याने आता फोर्ट कॅम्पस येथे ही सिनेट घेतली जाणार आहे. विद्यापीठाचे नामनिर्देशित सदस्य या सिनेटसाठी उपस्थित राहणार असून या बैठकीतच बृहद आराखड्याला मान्यता मिळेल, अशी शक्यता व्यक्त करण्यात आली आहे. तर याची सर्व तयारी पूर्ण झाली असून बृहद आराखड्याच्या माध्यमातून विद्यापीठाला मोठा दिलासा मिळेल, अशी शक्यता प्रशासनाने व्यक्त केली आहे.
म. टा. प्रतिनिधी, मुंबई
मुंबई विद्यापीठाच्या रखडलेल्या निकालामुळे विस्मरणात गेलेल्या शैक्षणिक वर्ष २०१८-१९साठीच्या बृहत आराखड्याला आज, मंगळवारी अंतिम मान्यता मिळण्याची शक्यता आहे. यासाठी विद्यापीठाने मंगळवारी विशेष सिनेट आयोजित केली असून या बैठकीत याबाबत अंतिम निर्णय घेऊन त्यांना मान्यता देण्यात येणार असल्याची माहिती प्रशासनातर्फे सोमवारी देण्यात आली.
मुंबईसह राज्यातील विद्यापीठांना नव्या कॉलेज आणि तुकड्यांच्या मान्यतेसाठी बृहद आराखडा महत्त्वाचा मानला जातो. परंतु विद्यापीठाच्या रखडलेल्या निकालामुळे या बृहद आराखड्याचा विसर पडला होता. त्यामुळे बृहद आराखड्यासाठी असलेली ३१ जुलैची डेडलाइन पाळण्यात विद्यापीठाला यश आले नव्हते. ही मंजुरी मिळण्यासाठी एकाच दिवशी अॅकॅडमिक कौन्सिलसह इतर दोन प्राधिकारणांच्या बैठका रविवारीच आयोजित करण्याचा प्रयत्नही विद्यापीठाने केला होतो जो पुरता फसला. त्याची गंभीर दखल राज्याच्या उच्च व तंत्र शिक्षण मंडळाने घेत विद्यापीठाला बृहद आराखडा सादर करण्यासाठी मुदतवाढ देण्याचा निर्णय घेतला होता. त्यानुसार काही दिवसांपूर्वीच विद्यापीठात मॅनेजमेंट कौन्सिलचे आयोजन करण्यात आले होते. या बैठकीत यावर सविस्तर चर्चा करण्यात आली असून अॅकॅडमिक कौन्सिलच्या बैठकीत मंजुरीसाठी ठेवण्यात आला होता. ज्याला नुकतीच मान्यता देण्यात आली होती. या दोन्ही कौन्सिलमध्ये निकाल ठेवल्यानंतर अंतिम मान्यतेसाठी सिनेटमध्ये ठेवण्यात येणार होता. गेल्या अनेक दिवसांपासून या सिनेटसाठी विद्यापीठाने राज्यपालांकडे मागणी केली होती. अखेर १२ सप्टेंबर म्हणजे आज, मंगळवारी ही सिनेट घेण्याची सूचना राज्यपालांनी विद्यापीठाला केली आहे.
राजभवनाने या विशेष सिनेटसाठी परवानगी दिल्याने आता फोर्ट कॅम्पस येथे ही सिनेट घेतली जाणार आहे. विद्यापीठाचे नामनिर्देशित सदस्य या सिनेटसाठी उपस्थित राहणार असून या बैठकीतच बृहद आराखड्याला मान्यता मिळेल, अशी शक्यता व्यक्त करण्यात आली आहे. तर याची सर्व तयारी पूर्ण झाली असून बृहद आराखड्याच्या माध्यमातून विद्यापीठाला मोठा दिलासा मिळेल, अशी शक्यता प्रशासनाने व्यक्त केली आहे.