प.रे.च्या प्रवाशांना मोबाइलवर कळणार वेळ
म. टा. खास प्रतिनिधी, मुंबई
मध्य रेल्वेप्रमाणे पश्चिम रेल्वेच्या प्रवाशांनाही आता लोकल गाड्यांची प्रत्यक्ष स्थिती, अपेक्षित वेळ आता थेट मोबाइल फोनवर पाहता येणार आहे. पश्चिम रेल्वेवर सध्या केवळ लांब पल्ल्यांच्या गाड्यांबाबत अशी प्रत्यक्ष वेळ कळण्याची सोय उपलब्ध आहे.
पश्चिम रेल्वेवरील चर्चगेट ते डहाणू मार्गाच्या सर्व स्थानकांवरील प्रवाशांना मोबाइलवर लोकलची नेमकी वेळ समजण्याची कोणतीही प्रणाली उपलब्ध नव्हती. मात्र, मध्य रेल्वेवर २०१४ पासून मोबाइल आणि नॅशनल ट्रेन इन्क्वायरी सिस्टीमच्या (एनटीईएस) वेबसाइटवर लोकल सेवेची स्थिती समजू शकते. ही सोय पश्चिम रेल्वेवरही आणण्यासाठी विशेष प्रयत्न करण्यात येत असून, लवकरच ती मोबाइल, एनटीईएसवर उपलब्ध करून देण्याची योजना आखली जात आहे.
पश्चिम रेल्वेवर दररोज १,३२२ फेऱ्या चालविल्या जात असून त्यातील प्रत्येक मार्ग या यंत्रणेशी जोडण्यात येणार असल्याचे मुख्य विभागीय आयुक्त मुकुल जैन यांनी स्पष्ट केले. ही प्रणाली कार्यान्वित झाल्यानंतर प्रवाशांना एनटीईएसच्या वेबसाइट वा मोबाइलवर लाइव्ह स्टेशन विभागावर क्लिक केल्यास पुढील दोन ते चार तासांतील लोकलच्या ये-जा करण्याच्या वेळा समजू शकतात.
म. टा. खास प्रतिनिधी, मुंबई
मध्य रेल्वेप्रमाणे पश्चिम रेल्वेच्या प्रवाशांनाही आता लोकल गाड्यांची प्रत्यक्ष स्थिती, अपेक्षित वेळ आता थेट मोबाइल फोनवर पाहता येणार आहे. पश्चिम रेल्वेवर सध्या केवळ लांब पल्ल्यांच्या गाड्यांबाबत अशी प्रत्यक्ष वेळ कळण्याची सोय उपलब्ध आहे.
पश्चिम रेल्वेवरील चर्चगेट ते डहाणू मार्गाच्या सर्व स्थानकांवरील प्रवाशांना मोबाइलवर लोकलची नेमकी वेळ समजण्याची कोणतीही प्रणाली उपलब्ध नव्हती. मात्र, मध्य रेल्वेवर २०१४ पासून मोबाइल आणि नॅशनल ट्रेन इन्क्वायरी सिस्टीमच्या (एनटीईएस) वेबसाइटवर लोकल सेवेची स्थिती समजू शकते. ही सोय पश्चिम रेल्वेवरही आणण्यासाठी विशेष प्रयत्न करण्यात येत असून, लवकरच ती मोबाइल, एनटीईएसवर उपलब्ध करून देण्याची योजना आखली जात आहे.
पश्चिम रेल्वेवर दररोज १,३२२ फेऱ्या चालविल्या जात असून त्यातील प्रत्येक मार्ग या यंत्रणेशी जोडण्यात येणार असल्याचे मुख्य विभागीय आयुक्त मुकुल जैन यांनी स्पष्ट केले. ही प्रणाली कार्यान्वित झाल्यानंतर प्रवाशांना एनटीईएसच्या वेबसाइट वा मोबाइलवर लाइव्ह स्टेशन विभागावर क्लिक केल्यास पुढील दोन ते चार तासांतील लोकलच्या ये-जा करण्याच्या वेळा समजू शकतात.