मुंबईत जुन्या पासपोर्ट बिल्डिंगमध्ये स्फोट; एक महिला जखमी

मुंबई: वरळीतील अॅनी बेझंट मार्गावर जुने पासपोर्ट कार्यालय असलेल्या इमारतीत स्फोट झाला आहे. स्फोटामुळं इमारतीचा काही भाग कोसळून एक महिला जखमी झाली आहे. अग्निशमन दलाचे पथक घटनास्थळी पोहोचले असून मदतकार्य सुरू आहे.

मनीष कमर्शियल सेंटर या इमारतीच्या तिसऱ्या मजल्यावर असलेल्या केमिकल लॅबमध्ये हा स्फोट झाल्याचं सांगितलं जातं. नायट्रोजन सिलिंडरचा हा स्फोट होता. हा स्फोट इतका भयंकर होता की इमारतीचा काही भाग कोसळला. त्यात सुचित रश्मी कौर ही ३० वर्षीय महिला जखमी झाली आहे. तिच्या पायाला व डोक्याला किरकोळ जखम झाली आहे. जखमी महिलेनं रुग्णालयात जाण्यास नकार दिल्याचं प्रत्यक्षदर्शींनी सांगितलं.
वाचा: अजित पवारांचे धक्कातंत्र! सकाळी सहा वाजताच मेट्रोच्या पाहणीसाठी पोहोचले

वाचा: मुंबईतील जमावबंदीच्या आदेशानंतर आदित्य ठाकरेंचं ट्वीट