आज जागतिक हास्य दिन
म. टा. प्रतिनिधी, मुंबई
आजच्या जमान्यात हिंदी चॅनेल्स आपले रेटिंग्स वाढवण्यासाठी विविध रिअॅलिटी शो, त्यात नवीन फॉरमॅट्स, गिग्स, मालिका आणून प्रेक्षकांना खिळवून ठेवताना दिसत आहेत. आकडेवारीचा अंदाज घेता, टीव्हीवर सर्वात जास्त बघितल्या जाणाऱ्या कार्यक्रमांमध्ये विनोदी कार्यक्रम दुसऱ्या क्रमांकावर येत असल्याचे ब्रॉडकास्ट ऑडियन्स रिसर्च कौन्सिल इंडियातर्फे (बार्क) अलीकडेच जाहीर करण्यात आले आहे. आज ‘जागतिक हास्य दिना’च्या निमित्ताने छोट्या पडद्यावरील या हसवेगिरीचा आढावा ‘मटा’ने घेतला.
टीव्हीवरील कॉमेडी शोजचा इतिहास बघता ‘फिल्मी चक्कर’, ‘देख भाई देख’, ‘तू तू मैं मैं’, ‘येस बॉस’ यांसारख्या अनेक कलाकृतींनी प्रेक्षकांना खळखळून हसवले आहे. आजही सोनी, सब, अँड टीव्ही, लाइफ ओके यांसारख्या आघाडीच्या चॅनेल्समधील कॉमेडी शोजना प्रेक्षकांची पसंती मिळत आहे. एकूण दाखवल्या जाणाऱ्या कंटेंटमध्ये कॉमेडीची मजल तब्बल १४ टक्क्यांपर्यंत असल्याचे दिसून येते. विनोदी कार्यक्रम पाहताना प्रेक्षक दिवसभराचा तणाव विसरून जातात आणि मालिकेशी समरस होतात. त्यामुळे प्रत्येक चॅनेलवर एखादी विनोदी मालिका किंवा कार्यक्रम बघायला मिळतोच.
अनेक विनोदी कार्यक्रमांनी आजवर विविध विक्रम मोडले आहेत. तब्बल दोन हजार एपिसोड्सचा टप्पा ओलांडलेल्या ‘तारक मेहता का उलटा चष्मा’चे निर्माते असित मोदी सांगतात, ‘खरे तर रोजच्या रोज विनोदनिमिर्ती करता येऊ शकत नाही. हा सोपा जॉनर नव्हे. त्यासाठी वेगळ्या शैलीचे लेखक आणि कलाकार यांची गरज असते. सगळ्यांनाच हसवता येते, असे नाही. त्यातच टीव्हीवर क्लीन कॉमेडी करणे आणखीन अवघड आहे.’
विनोदी अभिनेता कपिल शर्माने कलर्स ते सोनी असा प्रवास केला असतानाही, प्रेक्षकांनी त्याची कधी साथ सोडली नव्हती. कायम चांगली प्रेक्षकपसंती मिळवणारा त्याचा शो अलीकडच्या वादानंतर तळाला जाताना दिसत असला, तरी किकू शारदा, भारती सिंग, कृष्ण अभिषेक, सुगंधा मिश्रा, राजू श्रीवास्तव यांसारख्या स्टॅन्डअप कॉमेडीअन्सना टीव्हीने व्यासपीठ मिळवून दिले आहे. सब टीव्हीवर तर सगळे विनोदी कार्यक्रमच दाखवले जातात.
मराठीतही ‘चला हवा येऊ द्या’ आणि ‘कॉमेडीची बुलेट ट्रेन’ या दोन्ही कार्यक्रमांना कायम चांगलेच रेटिंग्स मिळताना दिसतात. हसतखेळत निखळ मनोरंजन करणाऱ्या शोजना टीव्हीवर ‘लाफ्टर’ मिळताना दिसतो. एकूणच आजच्या घडीला डिजिटल व्यासपीठावर कॉमेडीला मिळणारा प्रतिसाद बघता, भविष्यात छोट्या पडद्यावर या जॉनरचे भविष्य उज्ज्वल आहे. तसेच जाहिरातदारांसाठी हे शोज ‘सेफ बेट’ असल्याचे तज्ज्ञांचे मत आहे.
लोकप्रिय विनोदी कार्यक्रम
तारक मेहता का उलटा चष्मा, चला हवा येऊ द्या, द कपिल शर्मा शो, भाबीजी घर पर हैं, चिडिया घर, कॉमेडीची बुलेट ट्रेन, बहू हमारी रजनीकांत, यारो का टशन
म. टा. प्रतिनिधी, मुंबई
आजच्या जमान्यात हिंदी चॅनेल्स आपले रेटिंग्स वाढवण्यासाठी विविध रिअॅलिटी शो, त्यात नवीन फॉरमॅट्स, गिग्स, मालिका आणून प्रेक्षकांना खिळवून ठेवताना दिसत आहेत. आकडेवारीचा अंदाज घेता, टीव्हीवर सर्वात जास्त बघितल्या जाणाऱ्या कार्यक्रमांमध्ये विनोदी कार्यक्रम दुसऱ्या क्रमांकावर येत असल्याचे ब्रॉडकास्ट ऑडियन्स रिसर्च कौन्सिल इंडियातर्फे (बार्क) अलीकडेच जाहीर करण्यात आले आहे. आज ‘जागतिक हास्य दिना’च्या निमित्ताने छोट्या पडद्यावरील या हसवेगिरीचा आढावा ‘मटा’ने घेतला.
टीव्हीवरील कॉमेडी शोजचा इतिहास बघता ‘फिल्मी चक्कर’, ‘देख भाई देख’, ‘तू तू मैं मैं’, ‘येस बॉस’ यांसारख्या अनेक कलाकृतींनी प्रेक्षकांना खळखळून हसवले आहे. आजही सोनी, सब, अँड टीव्ही, लाइफ ओके यांसारख्या आघाडीच्या चॅनेल्समधील कॉमेडी शोजना प्रेक्षकांची पसंती मिळत आहे. एकूण दाखवल्या जाणाऱ्या कंटेंटमध्ये कॉमेडीची मजल तब्बल १४ टक्क्यांपर्यंत असल्याचे दिसून येते. विनोदी कार्यक्रम पाहताना प्रेक्षक दिवसभराचा तणाव विसरून जातात आणि मालिकेशी समरस होतात. त्यामुळे प्रत्येक चॅनेलवर एखादी विनोदी मालिका किंवा कार्यक्रम बघायला मिळतोच.
अनेक विनोदी कार्यक्रमांनी आजवर विविध विक्रम मोडले आहेत. तब्बल दोन हजार एपिसोड्सचा टप्पा ओलांडलेल्या ‘तारक मेहता का उलटा चष्मा’चे निर्माते असित मोदी सांगतात, ‘खरे तर रोजच्या रोज विनोदनिमिर्ती करता येऊ शकत नाही. हा सोपा जॉनर नव्हे. त्यासाठी वेगळ्या शैलीचे लेखक आणि कलाकार यांची गरज असते. सगळ्यांनाच हसवता येते, असे नाही. त्यातच टीव्हीवर क्लीन कॉमेडी करणे आणखीन अवघड आहे.’
विनोदी अभिनेता कपिल शर्माने कलर्स ते सोनी असा प्रवास केला असतानाही, प्रेक्षकांनी त्याची कधी साथ सोडली नव्हती. कायम चांगली प्रेक्षकपसंती मिळवणारा त्याचा शो अलीकडच्या वादानंतर तळाला जाताना दिसत असला, तरी किकू शारदा, भारती सिंग, कृष्ण अभिषेक, सुगंधा मिश्रा, राजू श्रीवास्तव यांसारख्या स्टॅन्डअप कॉमेडीअन्सना टीव्हीने व्यासपीठ मिळवून दिले आहे. सब टीव्हीवर तर सगळे विनोदी कार्यक्रमच दाखवले जातात.
मराठीतही ‘चला हवा येऊ द्या’ आणि ‘कॉमेडीची बुलेट ट्रेन’ या दोन्ही कार्यक्रमांना कायम चांगलेच रेटिंग्स मिळताना दिसतात. हसतखेळत निखळ मनोरंजन करणाऱ्या शोजना टीव्हीवर ‘लाफ्टर’ मिळताना दिसतो. एकूणच आजच्या घडीला डिजिटल व्यासपीठावर कॉमेडीला मिळणारा प्रतिसाद बघता, भविष्यात छोट्या पडद्यावर या जॉनरचे भविष्य उज्ज्वल आहे. तसेच जाहिरातदारांसाठी हे शोज ‘सेफ बेट’ असल्याचे तज्ज्ञांचे मत आहे.
लोकप्रिय विनोदी कार्यक्रम
तारक मेहता का उलटा चष्मा, चला हवा येऊ द्या, द कपिल शर्मा शो, भाबीजी घर पर हैं, चिडिया घर, कॉमेडीची बुलेट ट्रेन, बहू हमारी रजनीकांत, यारो का टशन