पावसाळ्यात संसर्ग: मुंबईकर घसादुखीने बेहाल

म. टा. खास प्रतिनिधी, मुंबई

पावसाळा सुरू झाल्यानंतर संसर्गजन्य तापाने डोके वर काढायला सुरुवात केलेली असतानाच आता घसादुखीमुळेही मुंबईकर बेजार झाले आहेत. सर्दी, खोकल्यामुळे घशाचे दुखणे वाढत असल्याची तक्रार अनेकजण करत आहेत.

मुळात घसादुखीसाठी सर्दीच होणे गरजेचे नाही. वातावरणातील बदलांमुळेही हा त्रास होऊ शकतो, असे कान-नाक-घसा तज्ज्ञ डॉ. महेश भोईर यांनी सांगितले. घशात जंतूसंसर्ग झाल्यास डॉक्टरांनी सांगितलेली पथ्ये पाळणे गरजेचे असते. तापासाठी औषधोपचार घेतले जातात; तसे घसादुखीसाठी घेतले जात नाही. केवळ घरगुती उपचारांवर भर दिला जातो. त्यामुळे संसर्ग बळावतो. याकडे डॉ. गिरिजा सामंत यांनी लक्ष वेधले. ताप आल्यानंतर श्वसनमार्गाला संसर्ग करणारे घटक वेगाने सक्रिय होतात. त्यामुळे स्वरयंत्रणेलाह सूज येते. त्यामुळे आवाज बसण्याच्या तक्रारी वाढताना.