करिनाच्या आयकर डिटेल्स हॅक

मटा ऑनलाइन वृत्त । मुंबई

बॉलिवूड अभिनेत्री करिना कपूरच्या आयकराबाबतची माहिती हॅक करणाऱ्याला सायबर सेलने अटक केली आहे. हा हॅकर्स पॅरा मिलिट्री फोर्सचा सदस्य असावा असा संशय व्यक्त केला जात आहे.

करिना कपूरच्या सीएने केलेल्या तक्रारीनंतर ही कारवाई करण्यात आली आहे. हा आरोपी २०१६-२०१७ या वर्षातील करिनाच्या आयकराच्या डिटेल्सची हेराफेरी करत असल्याचे तिच्या सीएने तक्रारीत म्हटले होते. त्यानुसार ही कारवाई करण्यात आली. आरोपीने आयकरातील डिटेल्समध्ये हेराफेरी करताना चुकीच्या पद्धतीने रिटर्न भरले होते. हॅकर्सने त्यासाठी करिनाच्या पॅनकार्डच्या नंबरचा आणि पासवर्डचा वापर केला होता. हे लक्षात आल्यानंतर सीएने वांद्रे-कुर्ला कॉम्प्लेक्समध्ये जाऊन सायबर सेलकडे तक्रार केली होती.