कंगना प्रकरणात मुंबई महापालिकेचे वकिलावर ८२ लाख खर्च

म. टा. प्रतिनिधी, मुंबई

अभिनेत्री कंगनाच्या अवैध बांधकामप्रकरणी मुंबई महापालिका आणि कंगनामध्ये न्यायालयीन वाद सुरू आहे. या वादात पालिकेची बाजू मांडण्यासाठी अस्पी चिनाॅय या वकिलाला मानधनापोटी आतापर्यंत तब्बल ८२ लाख रुपये अदा करण्यात आले आहेत.

वाचा: उद्धव ठाकरेंवर टीका करताना कंगनानं केली मोठी चूक

कंगनाप्रकरणी पालिकेने न्यायालयात नेमलेल्या वकिलाला आतापर्यंत किती मानधन देण्यात आले, याची माहिती शरद यादव या माहिती अधिकार कार्यकर्त्यांनी पालिकेकडे मागितली होती. पालिकेने दिलेल्या उत्तरात २२ सप्टेंबरपर्यंत २२ लाख ५० हजार;तर ७ ऑक्टोबरपर्यंत ६० लाख रुपये, असे एकूण ८२ लाख ५० हजार दिले असल्याचे पालिकेने स्पष्ट केले आहे.