म. टा. प्रतिनिधी, मुंबई
एखादी कलाकृती रसिकांपर्यंत पोहोचवण्यासाठी लेखक, कवी, गीतकार, गायक आणि संगीतकार या सर्वांकडून एकत्र मेहनत केली जाते. अशा अनेक गायक, गीतकार, संगीतकारांच्या योगदानातून मराठी कला क्षेत्राला अजरामर देणगी मिळाली. असाच अनुभव रसिकांना लवकरच घेता येणार आहे. आज, रविवार ९ डिसेंबर रोजी रात्री ८.३० वाजता माटुंग्याच्या यशवंत नाट्यगृहामध्ये स्वरतीर्थ हा कार्यक्रम पार पडणार आहे. याद्वारे गदिमा, बाबुजी आणि पुलं यांना मानवंदना देण्यात येणार आहे. महाराष्ट्र टाइम्स कल्चर क्लब या कार्यक्रमासाठी माध्यम प्रायोजक आहेत.
रामायणाची कथा गदिमांनी गीतरामायणात स्वरबद्ध केली; तर सुधीर फडके यांच्या स्वरांनी ते शब्द सजले. व्यक्ती आणि वल्ली, बटाट्याची चाळ यांसारख्या साहित्याकृतींसह अनेक चित्रपट, नाटक यांनाही पु.ल. देशपांडे यांच्या प्रतिभेची साथ मिळाली. या तिन्ही कलाकारांच्या कलाकृतींचा एकत्रित अनुभव स्वरतीर्थ यांच्या माध्यमातून घेता येणार आहे. रसिकांच्या मनाचा ठाव घेणाऱ्या या मैफलीचे आयोजन 'मेघ मल्हार' आणि 'स्वर सा'च्या वतीने करण्यात आले आहे. यामध्ये नचिकेत देसाई, दत्ता मेस्त्री, केतकी भावे जोशी, सोनाली कर्णिक गाणी सादर करणार आहेत. विघ्नेश जोशी या कार्यक्रमाचे निवेदन करणार आहेत.
..
प्रवेशिकांबद्दल
कार्यक्रमाच्या प्रवेशिका ५००, ४००, ३०० रुपये या दरांत उपलब्ध आहेत. मटा कल्चर क्लबच्या सदस्यांना दोन तिकिटांवर ३० टक्के सवलत देण्यात येणार आहे. तसेच ४९९ रुपयांचे मटा कल्चर क्लबचे सदस्य घेतल्यासही दोन तिकिटांवर ३० टक्के सवलत देण्यात येणार आहे. तिकीटे यशवंत नाट्यगृहात सकाळी ८:३० ते संध्याकाळी ८ या वेळेत उपलब्ध आहेत. संपर्क: ९१६७७११६४९ (सकाळी ११ ते साय ७) तसेच www.mtcultureclub.com या वेबसाईटवरसुद्धा तुम्ही वार्षिक सदस्य बनू शकता.