thackeray sarkar : ठाकरे सरकारची मुघल राजशी तुलना करणं भोवलं; गुन्हा दाखल

मुंबई: मुख्यमंत्री उद्धव ठाकरे यांच्या नेतृत्वाखालील आघाडी सरकारची मुघल राजशी तुलना करतानाच उद्धव ठाकरे यांच्यासह पर्यावरण मंत्री आदित्य ठाकरे आणि ऊर्जा मंत्री नितीन राऊत यांच्याविरोधात आक्षेपार्ह शेरेबाजी केल्याप्रकरणी एका व्यक्तीविरोधात गुन्हा दाखल करण्यात आला आहे. समीत ठक्कर असं या तरुणाचं नाव आहे. तो नागपूरचा रहिवासी असून त्याच्याविरोधात मुंबईत गुन्हा दाखल करण्यात आला आहे.

शिवसेनेचे कायदेशीर सल्लागार धरम मिश्रा यांनी समीत ठक्कर विरोधात व्ही.पी. रोड पोलीस ठाण्यात गुन्हा दाखल केला आहे. आक्षेपार्ह लिखाण करणे, लेख लिहिणए, चित्रं काढणे आणि त्याचा प्रसार करणे आदीसाठींच्या कलमांखाली हा गुन्हा नोंदवण्यात आला आहे. तसेच माहिती तंत्रज्ञान कायद्याखाली सुद्धा हा गुन्हा नोंदवण्यात आला आहे.

'सुशांत मृत्यू संदर्भात बॉलिवूडची मोठी नावं दुबई डॉनच्या संपर्कात'

अर्ध्या रात्री डाव साधला; येरवडा तुरुंगातून पाच कैदी फरार

ठक्करचा जबाब नोंदवून घेण्यासाठी त्याला समन्स बजावण्यात आल्याचं पोलिसांनी सांगितलं. ठक्करने जून आणि जुलैमध्ये त्याच्या ट्विटर अकाऊंटवरून एक पोस्ट शेअर करून उद्धव ठाकरे आणि आदित्य ठाकरे यांनी मुघल राजशी तुलना केली होती. तसेच नितीन राऊत यांच्याविषयीही आक्षेपार्ह टिप्पणी केली होती. ठक्करने सोशल मीडियावरून केवळ ठाकरे सरकारचा अपमानच केला नव्हता तर या सरकारची खिल्लीही उडवली असल्याची तक्रार मिश्रा यांनी दिल्याचं वरिष्ठ पोलीस निरीक्षक गुलाबराव मोरे यांनी सांगितलं.

palghar mob lynching : भगव्याला गुंडाळून ठेवणारा पक्ष सत्तेत; मग साधूंना न्याय कसा मिळणार?: भाजप