म.टा. प्रतिनिधी, मुंबई
मुंबईसारख्या मोठ्या शहरांतील स्थावर मालमत्ता अर्थात फ्लॅट-घर खरेदीत आगामी काळात वाढ होण्याचे संकेत आहेत. परंतु त्यासाठी विविध स्तरांवर उपाययोजना कराव्या लागतील. याबाबत सुलभ व स्वस्त घरखरेदीसंबंधी 'नरेडको' या बांधकाम व्यावसायिकांच्या देशातील सर्वात मोठ्या संघटनेने महत्त्वाचे उपाय सुचवले आहेत.
यंदाचे वर्ष हे करोना संकटामुळे सर्वच क्षेत्रांना हादरवून सोडणारे होते. अद्यापही हे संकट पूर्णपणे संपलेले नाही. करोना संकटामुळे बांधकाम व रिअल इस्टेटचे नुकसान सगळ्यात जास्त झाले आहे. तसे असतानाही नवरात्र, दसरा व दिवाळी या उत्सवी काळात शुभमुहुर्तावर घरखरेदीसाठी ग्राहकांनी प्रतिसाद दिल्याचे आकडेवारीवरून दिसत आहे.
मुंबई महानगरातील अनेक भागांत करोनापूर्व काळातील एकूण घर खरेदी-विक्री उलाढालीच्या ८० टक्क्यांपर्यंत पोहोचली. हे चांगले संकेत पाहता आगामी कॅलेंडर वर्ष रिअल इस्टेटसाठी खूप चांगले असेल, असा विश्वास राष्ट्रीय रिअल इस्टेट विकास परिषद अर्थात 'नरेडको'ने व्यक्त केला आहे.
करोना संकटामुळे 'वर्क फ्रॉम होम'ची आवश्यकता वाढली आहेत. त्यामुळेच गृह स्वयंचलीकरण तसेच तंत्रज्ञानावर आधारित सुविधा असलेल्या घरांना मागणी वाढल्याचे मागील दोन ते तीन महिन्यांत दिसून आले आहे. विशेषत: मुंबई उपनगरांतील अनेक भागांत अशा घरांना मोठी मागणी दिसली आहे. यानुसारच आगामी वर्षात गृह खरेदीदारांत महिलांचा तसेच सध्या भाडेकरू असलेल्यांचा कल अधिक असेल. यानुसार बँकिंग, राज्य सरकार, केंद्र सरकार, मुद्रांक शुल्क विभाग, जीएसटी परिषद या सर्वांनी ग्राहकांना अधिकाधिक सवलती कशा देता येतील, याचा विचार करायला हवा, असे आवाहन 'नरेडको'कडून करण्यात आले आहे.
किफायतशीर गृहखरेदी
'करोना संकटात सुरक्षेच्यादृष्टीने स्वत:चे हक्काचे घर असावे, ही भावना वाढली आहे. त्यामुळे मागणी वाढती असल्याचे चित्र मागील दोन महिन्यांत स्पष्ट दिसले आहे. यापुढे जाऊन आता गृहकर्जाच्या व्याज दरात ऐतिहासिक कपात करणे, ओसीपश्चात शून्य जीएसटी, राज्य स्तरावर मुद्रांक शुल्कात कपात, पत हमी योजनेचा विस्तार, पंतप्रधान आवास योजनेचा सुधारीत आराखडा आदींमार्फत सर्वसामान्यांची घर व फ्लॅट खरेदी किफायतशीर होऊ शकते. यासाठी सर्व स्तरांवर निकराच्या प्रयत्नांची गरज आहे', असे नरेडको नॅशनलचे अध्यक्ष डॉ. निरंजन हिरानंदानी यांनी सांगितले.
मुंबईसारख्या मोठ्या शहरांतील स्थावर मालमत्ता अर्थात फ्लॅट-घर खरेदीत आगामी काळात वाढ होण्याचे संकेत आहेत. परंतु त्यासाठी विविध स्तरांवर उपाययोजना कराव्या लागतील. याबाबत सुलभ व स्वस्त घरखरेदीसंबंधी 'नरेडको' या बांधकाम व्यावसायिकांच्या देशातील सर्वात मोठ्या संघटनेने महत्त्वाचे उपाय सुचवले आहेत.
यंदाचे वर्ष हे करोना संकटामुळे सर्वच क्षेत्रांना हादरवून सोडणारे होते. अद्यापही हे संकट पूर्णपणे संपलेले नाही. करोना संकटामुळे बांधकाम व रिअल इस्टेटचे नुकसान सगळ्यात जास्त झाले आहे. तसे असतानाही नवरात्र, दसरा व दिवाळी या उत्सवी काळात शुभमुहुर्तावर घरखरेदीसाठी ग्राहकांनी प्रतिसाद दिल्याचे आकडेवारीवरून दिसत आहे.
मुंबई महानगरातील अनेक भागांत करोनापूर्व काळातील एकूण घर खरेदी-विक्री उलाढालीच्या ८० टक्क्यांपर्यंत पोहोचली. हे चांगले संकेत पाहता आगामी कॅलेंडर वर्ष रिअल इस्टेटसाठी खूप चांगले असेल, असा विश्वास राष्ट्रीय रिअल इस्टेट विकास परिषद अर्थात 'नरेडको'ने व्यक्त केला आहे.
करोना संकटामुळे 'वर्क फ्रॉम होम'ची आवश्यकता वाढली आहेत. त्यामुळेच गृह स्वयंचलीकरण तसेच तंत्रज्ञानावर आधारित सुविधा असलेल्या घरांना मागणी वाढल्याचे मागील दोन ते तीन महिन्यांत दिसून आले आहे. विशेषत: मुंबई उपनगरांतील अनेक भागांत अशा घरांना मोठी मागणी दिसली आहे. यानुसारच आगामी वर्षात गृह खरेदीदारांत महिलांचा तसेच सध्या भाडेकरू असलेल्यांचा कल अधिक असेल. यानुसार बँकिंग, राज्य सरकार, केंद्र सरकार, मुद्रांक शुल्क विभाग, जीएसटी परिषद या सर्वांनी ग्राहकांना अधिकाधिक सवलती कशा देता येतील, याचा विचार करायला हवा, असे आवाहन 'नरेडको'कडून करण्यात आले आहे.
किफायतशीर गृहखरेदी
'करोना संकटात सुरक्षेच्यादृष्टीने स्वत:चे हक्काचे घर असावे, ही भावना वाढली आहे. त्यामुळे मागणी वाढती असल्याचे चित्र मागील दोन महिन्यांत स्पष्ट दिसले आहे. यापुढे जाऊन आता गृहकर्जाच्या व्याज दरात ऐतिहासिक कपात करणे, ओसीपश्चात शून्य जीएसटी, राज्य स्तरावर मुद्रांक शुल्कात कपात, पत हमी योजनेचा विस्तार, पंतप्रधान आवास योजनेचा सुधारीत आराखडा आदींमार्फत सर्वसामान्यांची घर व फ्लॅट खरेदी किफायतशीर होऊ शकते. यासाठी सर्व स्तरांवर निकराच्या प्रयत्नांची गरज आहे', असे नरेडको नॅशनलचे अध्यक्ष डॉ. निरंजन हिरानंदानी यांनी सांगितले.