म. टा. खास प्रतिनिधी, मुंबई
प्रत्येक सरकारी कार्यालयात राष्ट्रपती आणि पंतप्रधानांची तसबीर लावणे बंधनकारक आहे. मुंबईच्या महापौर स्नेहल आंबेकर यांच्या दालनात राष्ट्रपतींची तसबीर होती. मात्र पंतप्रधानांची तसबीर लावण्यात आली नव्हती. पालिका निवडणुकीच्या पार्श्वभूमीवर कोणताही वाद होऊ नये, म्हणून अखेर दोन दिवसांपूर्वी पंतप्रधान नरेंद्र मोदी यांची तसबीर महापौर दालनात विराजमान करून महापौरांनी भविष्यातील वादाला विराम दिला आहे.
राज्य सरकारच्या सहा नोव्हेंबर २०१५च्या परिपत्रकानुसार सरकारी कार्यालयात पंतप्रधान नरेंद्र मोदी यांचे १६ बाय २० आकाराचे रंगीत छायाचित्र लावणे बंधनकारक करण्यात आले आहे. पालिकेत आयुक्त, लोकप्रतिनिधी व वैधानिक समित्या अध्यक्षांच्या दालनात पंतप्रधानांचे छायाचित्र लावले आहे. महापौरांच्या दालनात मात्र मोदी यांचे छायाचित्र नसल्याची तक्रार सुधार समितीचे अध्यक्ष प्रकाश गंगाधरे यांनी केली होती.
महापौरांनी बाळासाहेब ठाकरे, उद्धव व आदित्य ठाकरे यांची छायाचित्रे लावताना पंतप्रधानांच्या छायाचित्रांचा मात्र विसर पडला होता. मागील आठवड्यात झालेल्या गटनेत्यांच्या बैठकीत महापौरांना स्मरण करून दिल्यानंतरही त्यांनी दुर्लक्ष केले, असा आरोप गंगाधरे यांनी केला आहे. पंतप्रधानांच्या छायाचित्राबाबत भाजप आग्रही असल्याने अखेर महापौर दालनात दोन दिवसांपूर्वी मोदी यांचे छायाचित्र लावण्यात आले आहे. याबाबत महापौरांकडे विचारणा केली असता माझ्या अनुपस्थितीत पालिका चिटणीस कार्यालयाने हे छायाचित्र लावल्याची माहिती महापौरांनी दिली.
प्रत्येक सरकारी कार्यालयात राष्ट्रपती आणि पंतप्रधानांची तसबीर लावणे बंधनकारक आहे. मुंबईच्या महापौर स्नेहल आंबेकर यांच्या दालनात राष्ट्रपतींची तसबीर होती. मात्र पंतप्रधानांची तसबीर लावण्यात आली नव्हती. पालिका निवडणुकीच्या पार्श्वभूमीवर कोणताही वाद होऊ नये, म्हणून अखेर दोन दिवसांपूर्वी पंतप्रधान नरेंद्र मोदी यांची तसबीर महापौर दालनात विराजमान करून महापौरांनी भविष्यातील वादाला विराम दिला आहे.
राज्य सरकारच्या सहा नोव्हेंबर २०१५च्या परिपत्रकानुसार सरकारी कार्यालयात पंतप्रधान नरेंद्र मोदी यांचे १६ बाय २० आकाराचे रंगीत छायाचित्र लावणे बंधनकारक करण्यात आले आहे. पालिकेत आयुक्त, लोकप्रतिनिधी व वैधानिक समित्या अध्यक्षांच्या दालनात पंतप्रधानांचे छायाचित्र लावले आहे. महापौरांच्या दालनात मात्र मोदी यांचे छायाचित्र नसल्याची तक्रार सुधार समितीचे अध्यक्ष प्रकाश गंगाधरे यांनी केली होती.
महापौरांनी बाळासाहेब ठाकरे, उद्धव व आदित्य ठाकरे यांची छायाचित्रे लावताना पंतप्रधानांच्या छायाचित्रांचा मात्र विसर पडला होता. मागील आठवड्यात झालेल्या गटनेत्यांच्या बैठकीत महापौरांना स्मरण करून दिल्यानंतरही त्यांनी दुर्लक्ष केले, असा आरोप गंगाधरे यांनी केला आहे. पंतप्रधानांच्या छायाचित्राबाबत भाजप आग्रही असल्याने अखेर महापौर दालनात दोन दिवसांपूर्वी मोदी यांचे छायाचित्र लावण्यात आले आहे. याबाबत महापौरांकडे विचारणा केली असता माझ्या अनुपस्थितीत पालिका चिटणीस कार्यालयाने हे छायाचित्र लावल्याची माहिती महापौरांनी दिली.