नसीम खान यांनी सोडले मुंबई काँग्रेसच्या प्रचार समितीचे अध्यक्षपद

म. टा. खास प्रतिनिधी, मुंबई : प्रदेश काँग्रेसने 'एक कुटुंब, एक तिकीट' या ठरावाची घोषणा केल्यानंतर 'एक व्यक्ती, एक पद' असा ठरावही मंजूर केला आहे. त्यानुसार, माजी आमदार नसीम खान यांनी ठेवत मुंबई काँग्रेसच्या प्रचार समितीच्या अध्यक्षपदाचा राजीनामा दिला.

अखिल भारतीय काँग्रेस समितीचे चिंतन शिबीर नुकतेच उदयपूर येथे पार पडले. यात 'एक कुटुंब, एक तिकीट' यांसारख्या अनेक महत्त्वपूर्ण ठरावांना मंजुरी देण्यात आली होती. सोमवारी महाराष्ट्र प्रदेश काँग्रेस समितीची बैठक घेतल्यानंतर पाटील यांनी दुसऱ्याच दिवशी मुंबई काँग्रेस प्रदेश समितीची बैठक घेतली. यात 'एक व्यक्ती, एक पद' ठरावाच्या अंमलबजावणीस राज्यात सुरुवात करण्यात येत असल्याचे जाहीर करण्यात आले. त्यानंतर खान यांनी तातडीने राजीनामा दिला. खान यांच्याकडे प्रदेश काँग्रेसचे कार्याध्यक्ष आणि मुंबई काँग्रेसच्या प्रचार समितीचे अध्यक्ष अशी दोन पदे होती.