पहिल्या दिवशी ‘रेनडान्स’
म. टा. खास प्रतिनिधी, मुंबई
आदिशक्ती... दुर्गामाता… चंडिका… अंबामाता… नावे विविध मात्र दुष्टांचा संहार करणारे ते आदर्श रूप एकच… शनिवारी या आदिशक्तीची आराधना करण्यासाठी घरोघरी घटस्थापना करण्यात आली. काही घरांमध्ये दुर्गामातेच्या मूर्तीची प्रतिष्ठापना करण्यात आली. शारदीय नवरात्रोत्सवाचा उत्साह काही औरच असतो. डान्स क्लास, कपडे, दागिने यांच्यापासून तासन् तास नाचण्यासाठी फिटनेस, मेकअप, बॉडी पेंटिंग, टॅटू या सगळ्याची जय्यत तयारी होते. याच तयारीचे प्रदर्शन नवरात्रीच्या पहिल्या दिवशीही झाले. पहिल्या माळेवर पावसाचे सावट असले तरी उत्सवाचा रंग मात्र कुठेच फिका पडलेला दिसत नव्हता.
शहरांमध्ये या उत्सवाचा मोठा इव्हेण्ट झाल्यापासून विविध गृहसंकुलांनीही आपले पारंपरिक गरब्याचे स्वरुप बदलून डीजे, दांडिया परफॉर्मन्स, दांडिया क्वीन आणि किंग अशा स्पर्धांचे आयोजन करायला सुरुवात केली आहे. दर दिवशी चारशे ते पाचशे रुपये देऊन मोठ्या दांडियांना उपस्थिती लावणारा एक वर्ग आणि गृहसंकुलांमध्ये आपल्या मित्रमंडळींसोबत गाण्यांवर नाचणारा एक वर्ग, असे अनेक हौशी या उत्सवाच्या निमित्ताने पाहायला मिळतात. काही ठिकाणी पावसाचा अंदाज घेऊन नाचण्यासाठी तयार करण्यात आलेल्या मंडपांना छप्परही घालण्यात आले आहे.
पारंपरिक पद्धतीने गरबा खेळत दांडिया नाइटला झालेल्या सुरुवातीनंतर मग बॉलीवूडच्या गाण्यांवर आधुनिक पद्धतीने दांडिया खेळत रात्री दहापर्यंत रंगली. वीकेण्डमुळे फाल्गुनी पाठक यांच्या दांडियाला अंदाजे १५ ते २० हजारापर्यंत गर्दी होती तर प्रीती-पिंकी यांच्या कार्यक्रमालाही १० हजारापर्यंत दांडियाप्रेमींनी उपस्थिती लावल्याचे सांगण्यात आले.
म. टा. खास प्रतिनिधी, मुंबई
आदिशक्ती... दुर्गामाता… चंडिका… अंबामाता… नावे विविध मात्र दुष्टांचा संहार करणारे ते आदर्श रूप एकच… शनिवारी या आदिशक्तीची आराधना करण्यासाठी घरोघरी घटस्थापना करण्यात आली. काही घरांमध्ये दुर्गामातेच्या मूर्तीची प्रतिष्ठापना करण्यात आली. शारदीय नवरात्रोत्सवाचा उत्साह काही औरच असतो. डान्स क्लास, कपडे, दागिने यांच्यापासून तासन् तास नाचण्यासाठी फिटनेस, मेकअप, बॉडी पेंटिंग, टॅटू या सगळ्याची जय्यत तयारी होते. याच तयारीचे प्रदर्शन नवरात्रीच्या पहिल्या दिवशीही झाले. पहिल्या माळेवर पावसाचे सावट असले तरी उत्सवाचा रंग मात्र कुठेच फिका पडलेला दिसत नव्हता.
शहरांमध्ये या उत्सवाचा मोठा इव्हेण्ट झाल्यापासून विविध गृहसंकुलांनीही आपले पारंपरिक गरब्याचे स्वरुप बदलून डीजे, दांडिया परफॉर्मन्स, दांडिया क्वीन आणि किंग अशा स्पर्धांचे आयोजन करायला सुरुवात केली आहे. दर दिवशी चारशे ते पाचशे रुपये देऊन मोठ्या दांडियांना उपस्थिती लावणारा एक वर्ग आणि गृहसंकुलांमध्ये आपल्या मित्रमंडळींसोबत गाण्यांवर नाचणारा एक वर्ग, असे अनेक हौशी या उत्सवाच्या निमित्ताने पाहायला मिळतात. काही ठिकाणी पावसाचा अंदाज घेऊन नाचण्यासाठी तयार करण्यात आलेल्या मंडपांना छप्परही घालण्यात आले आहे.
पारंपरिक पद्धतीने गरबा खेळत दांडिया नाइटला झालेल्या सुरुवातीनंतर मग बॉलीवूडच्या गाण्यांवर आधुनिक पद्धतीने दांडिया खेळत रात्री दहापर्यंत रंगली. वीकेण्डमुळे फाल्गुनी पाठक यांच्या दांडियाला अंदाजे १५ ते २० हजारापर्यंत गर्दी होती तर प्रीती-पिंकी यांच्या कार्यक्रमालाही १० हजारापर्यंत दांडियाप्रेमींनी उपस्थिती लावल्याचे सांगण्यात आले.