मुंबई : राष्ट्रवादी काँग्रेसचे अध्यक्ष शरद पवार यांच्यावर टीका केल्यानंतर नितेश राणे आणि निलेश राणे यांच्यावर राष्ट्रवादी काँग्रेसच्या नेत्यांनी टीकेची झोड उठवली आहे. शरद पवार यांनी ५५ वर्षांत जे सामाजिक आणि राजकीय कार्य केले आहे, त्याच्या कणभरही काम निलेश आणि नितेश यांनी केले नसेल, असे राष्ट्रवादी काँग्रेसचे प्रदेश प्रवक्ते क्लाईड क्रास्टो म्हणाले. निलेश राणे यांनी नुकतीच एक पत्रकार परिषद घेऊन राष्ट्रवादी काँग्रेसचे अध्यक्ष शरद पवार यांच्यावर टीका केली होती. माजी गृहमंत्री अनिल देशमुख यांचा राजीनामा घेणारे शरद पवार नवाब मलिक यांचा राजीनामा का घेत नाहीत. काही वेगळे राजकारण आहे का?, असा सवाल त्यांनी उपस्थित केला होता. तसेच शरद पवारच महाराष्ट्रातील दाऊदचा माणूस असल्याचा संशय मला वाटतो, असं विधान निलेश राणेंनी केलं होतं.
निलेश राणे यांनी केलेल्या टीकेला राष्ट्रवादी काँग्रेसने जोरदार प्रत्युत्तर दिले आहे. ज्यांनी कधी निष्ठेने लोकांची सेवा केली नाही. ज्यांनी आयुष्यभर स्वतःचा फायदा केला, ते निलेश व नितेश राणे यांनी पवार यांच्यावर बोलण्याइतपत त्यांची कुवत नाही, अशा शब्दांत राष्ट्रवादी काँग्रेसचे प्रदेश प्रवक्ते क्लाईड क्रास्टो यांनी राणे बंधूंवर टीकास्त्र सोडलं. पवार यांनी आपल्या ५५ वर्षांच्या कारकीर्दीत जे सामाजिक, राजकीय काम केले आहे, त्याच्या कणभरही काम निलेश व नितेश राणे यांनी केले नसेल. तसेच भविष्यातही ते करू शकणार नाहीत, असंही क्रास्टो म्हणाले. पवार यांचे काम अखंड सुरू राहणार आहे. त्यामध्ये दोघांच्या बोलण्याने काही फरक पडणार नाही. फक्त पवार यांचे नाव घेऊन फुकट प्रसिद्धी व भाजपत स्थान पटकावण्यासाठी धडपड सुरू असल्याचा टोला क्लाईड क्रास्टो यांनी राणेंना लगावला.
निलेश राणे यांनी केलेल्या टीकेला राष्ट्रवादी काँग्रेसने जोरदार प्रत्युत्तर दिले आहे. ज्यांनी कधी निष्ठेने लोकांची सेवा केली नाही. ज्यांनी आयुष्यभर स्वतःचा फायदा केला, ते निलेश व नितेश राणे यांनी पवार यांच्यावर बोलण्याइतपत त्यांची कुवत नाही, अशा शब्दांत राष्ट्रवादी काँग्रेसचे प्रदेश प्रवक्ते क्लाईड क्रास्टो यांनी राणे बंधूंवर टीकास्त्र सोडलं. पवार यांनी आपल्या ५५ वर्षांच्या कारकीर्दीत जे सामाजिक, राजकीय काम केले आहे, त्याच्या कणभरही काम निलेश व नितेश राणे यांनी केले नसेल. तसेच भविष्यातही ते करू शकणार नाहीत, असंही क्रास्टो म्हणाले. पवार यांचे काम अखंड सुरू राहणार आहे. त्यामध्ये दोघांच्या बोलण्याने काही फरक पडणार नाही. फक्त पवार यांचे नाव घेऊन फुकट प्रसिद्धी व भाजपत स्थान पटकावण्यासाठी धडपड सुरू असल्याचा टोला क्लाईड क्रास्टो यांनी राणेंना लगावला.