स्थलांतरितांसाठी भरारी पथक नेमा; शरद पवारांची सूचना

मुंबई: राज्यातील स्थलांतरित मजुरांचा शोध घेऊन त्यांना त्यांच्या राज्यात परत पाठवण्यासाठी राज्य सरकारने भरारी पथके स्थापन करावेत, अशी सूचना राष्ट्रवादी काँग्रेस पक्षाचे राष्ट्रीय अध्यक्ष शरद पवार यांनी राज्य सरकारला केली आहे. तसेच औरंगाबाद येथील रेल्वे अपघातात १६ मजुरांना प्राण गमवावे लागल्याबद्दल पवार यांनी तीव्र दु:ख व्यक्त केले आहे.

राष्ट्रवादीचे अध्यक्ष शरद पवार यांनी ट्विट करून या दुर्देवी घटनेवर तीव्र दु:ख व्यक्त करतानाच स्थलांतरितांच्या सुरक्षित प्रवासासाठी राज्य सरकारला महत्त्वाची सूचनाही केली आहे. औरंगाबादजवळील करमाड रेल्वे दुर्घटनेत मजुरांच्या मृत्यूची बातमी अतिशय व्यथित करणारी आहे. करोना महामारीच्या काळातील या अपघाताने केवळ मनाला यातनाच झाल्या नाही, तर पायी चालत आपल्या मूळ गावी स्थलांतर करू इच्छिणाऱ्या लोकांचे बिकट प्रश्न ऐरणीवर आले आहेत, असं सांगतानाच राज्य सरकारने स्थलांतरित मजुरांसाटी भरारी पथकांची नियुक्ती करावी. तसेच या मजुरांना त्यांच्या राज्यात पाठवण्यापर्यंत सातत्याने पाठपुरावा करावा, अशी सूचना करतानाच केंद्र आणि राज्य सरकारने एकत्र येऊन तातडीने स्थलांतरितांच्या प्रश्नांची सोडवणूक करावी, असं शरद पवार यांनी म्हटलं आहे.


मजुरांना रुळावर पाहून गाडी थांबवण्याचा प्रयत्न झाला होता पण...

असंघटित क्षेत्रातील मजूर सद्यस्थितीत बेरोजगारीच्या भीतीने शहर सोडून जात असेल तर सर्वप्रथम त्यांच्या रोजगाराच्या ठिकाणच्या काँट्रक्टर अथवा मालकाने त्यांची काळजी घ्यावी. ते शक्य होत नसल्यास त्यांनी सरकारला कळवावं, असं आवाहनही त्यांनी केलं आहे.


सरकारपेक्षा जास्त लोकांची मदत करतोय सलमान!

औरंगाबाद अपघातातील मृतांच्या कुटुंबीयांना प्रत्येकी ५ लाख: CM ठाकरे