मुंबई: राष्ट्रवादीच्या आमदारांना ज्या हॉटेलात ठेवण्यात आले, त्या हॉटेलात साध्या वेषातील पोलीस आढळल्याने त्याला राष्ट्रवादीने आक्षेप घेतला आहे. आमदारांवर नजर ठेवण्यासाठीच साध्या वेषातील पोलिसांना हॉटेलात पाठवण्यात आल्याचा आरोप राष्ट्रवादीने केला आहे.
राष्ट्रवादीने त्यांच्या आमदारांना रेनिन्सन हॉटेलमध्ये ठेवलं होतं. मात्र या हॉटेलात साध्या वेषातील पोलीस आढळून आल्याने राष्ट्रवादीचे नेते आणि पोलिसांमध्ये शाब्दिक चकमक उडाली. त्यामुळे राष्ट्रवादीने या आमदारांना रेनिन्सन हॉटेलमधून हॉटेल हयातमध्ये शिफ्ट केलं आहे. सरकारकडून आदेश मिळाल्याशिवाय पोलीस आमदारांची हेरगिरी करूच शकत नसल्याचा आरोप राष्ट्रवादीचे आमदार जितेंद्र आव्हाड यांनी केला आहे.
आज दुपारी काँग्रेस नेते अशोक चव्हाण यांनीही भाजपकडून आमदारांना प्रलोभने दाखविण्यात येत असल्याचा आरोप केला होता. आमचे आमदार फोडण्याचा प्रयत्न सुरू आहे. त्यांना वेगवेगळ्या माध्यमातून संपर्क साधण्यात येत असून अनेक प्रलोभन दाखवली जात आहेत. त्यामुळे आम्ही आमच्या आमदारांना सुरक्षित स्थळी एका हॉटेलात ठेवले आहे. मात्र तिथेही राष्ट्रवादीचे आमदार पोहोचले असून त्यांनी या हॉटेलमध्ये रुम बुक करून आमदारांशी संपर्क साधायला सुरुवात केली आहे, असा आरोप चव्हाण यांनी केला. शिवसेना, काँग्रेस आणि राष्ट्रवादीकडे बहुमताचा आकडा आहे. तर भाजपकडे संख्याबळ नाही. त्यामुळे भाजपने काँग्रेस आमदार फोडण्यासाठी प्रयत्न सुरू केले आहेत, असं चव्हाण म्हणाले होते.
शरद पवार हेच नेते, मी राष्ट्रवादीतच: अजित पवार
दरम्यान, उपमुख्यमंत्री अजित पवार यांच्या बंडानंतर राष्ट्रवादीने आमदार फुटू नये म्हणून विशेष काळजी घेतली आहे. स्वत: राष्ट्रवादीचे अध्यक्ष शरद पवार आणि शिवसेना पक्षप्रमुख उद्धव ठाकरे यांनी या आमदारांशी संवाद साधून आपलंच सरकार येणार असल्याचं स्पष्ट करून दिलासा देण्याचा प्रयत्न केला आहे.
भाजपने आमचे ४ आमदार लपवलेत : मलिक
शिवसेनेत मोठा भूकंप होणार; रवी राणांचा दावा
राष्ट्रवादीने त्यांच्या आमदारांना रेनिन्सन हॉटेलमध्ये ठेवलं होतं. मात्र या हॉटेलात साध्या वेषातील पोलीस आढळून आल्याने राष्ट्रवादीचे नेते आणि पोलिसांमध्ये शाब्दिक चकमक उडाली. त्यामुळे राष्ट्रवादीने या आमदारांना रेनिन्सन हॉटेलमधून हॉटेल हयातमध्ये शिफ्ट केलं आहे. सरकारकडून आदेश मिळाल्याशिवाय पोलीस आमदारांची हेरगिरी करूच शकत नसल्याचा आरोप राष्ट्रवादीचे आमदार जितेंद्र आव्हाड यांनी केला आहे.
आज दुपारी काँग्रेस नेते अशोक चव्हाण यांनीही भाजपकडून आमदारांना प्रलोभने दाखविण्यात येत असल्याचा आरोप केला होता. आमचे आमदार फोडण्याचा प्रयत्न सुरू आहे. त्यांना वेगवेगळ्या माध्यमातून संपर्क साधण्यात येत असून अनेक प्रलोभन दाखवली जात आहेत. त्यामुळे आम्ही आमच्या आमदारांना सुरक्षित स्थळी एका हॉटेलात ठेवले आहे. मात्र तिथेही राष्ट्रवादीचे आमदार पोहोचले असून त्यांनी या हॉटेलमध्ये रुम बुक करून आमदारांशी संपर्क साधायला सुरुवात केली आहे, असा आरोप चव्हाण यांनी केला. शिवसेना, काँग्रेस आणि राष्ट्रवादीकडे बहुमताचा आकडा आहे. तर भाजपकडे संख्याबळ नाही. त्यामुळे भाजपने काँग्रेस आमदार फोडण्यासाठी प्रयत्न सुरू केले आहेत, असं चव्हाण म्हणाले होते.
शरद पवार हेच नेते, मी राष्ट्रवादीतच: अजित पवार
दरम्यान, उपमुख्यमंत्री अजित पवार यांच्या बंडानंतर राष्ट्रवादीने आमदार फुटू नये म्हणून विशेष काळजी घेतली आहे. स्वत: राष्ट्रवादीचे अध्यक्ष शरद पवार आणि शिवसेना पक्षप्रमुख उद्धव ठाकरे यांनी या आमदारांशी संवाद साधून आपलंच सरकार येणार असल्याचं स्पष्ट करून दिलासा देण्याचा प्रयत्न केला आहे.
भाजपने आमचे ४ आमदार लपवलेत : मलिक
शिवसेनेत मोठा भूकंप होणार; रवी राणांचा दावा