शहीद तुकाराम ओंबळेंना अनोखी मानवंदना; कोळीच्या नवीन प्रजातीला दिलं नाव

मुंबईः महाराष्ट्रात कोळ्यांच्या दोन प्रजातींचा शोध लागला आहे. संशोधक ध्रुव प्रजापती यांच्या टीमने या दोन नव्या प्रजातींचा शोध लावला आहे. यातील एका कोळीच्या प्रजातीला २६/ ११च्या दहशतवादी हल्ल्यात शहीद झालेल्या सहाय्यक उपनिरीक्षक तुकाराम ओंबळे यांचं नाव देण्यात आलं आहे.

ध्रुव प्रजापती यांनं ट्विटरवर एक फोटो शेअर करत ही माहिती दिली आहे. या कोळ्यांचं शास्त्रीय नामकरण Icius tukarami असं करण्यात आलं आहे. तर, कोळ्याच्या दुसऱ्या प्रजातीचं नामकरण हे मित्र कमलेश चोळके यांच्या स्मरणार्थ Phintella cholkei असं देण्यात आल्याची माहिती ध्रुव यांनी दिली आहे.

वाचाः 'विदर्भ वेगळा झाल्याशिवाय लग्न करणार नाही असंही ते म्हणाले होते; त्याचं काय झालं?'

शहीद तुकाराम ओंबळे यांच्या बलिदानाची आठवण म्हणून कोळींच्या या नव्या प्रजातीला त्यांचं नाव दिलं आहे. 'महाराष्ट्रात दोन नव्या कोळींच्या प्रजातींचा शोध लागला आहे. यामधील कोळ्याच्या एक प्रजाती तुकाराम ओंबळे यांना समर्पित करण्यात येत आहे. ज्यांनी दहशतवादी कसाबला जिवंत पकडले आणि स्वत: २३ गोळ्या झेलल्या. या प्रजातीला Icius Tukarami असे नाव देण्यात येत आहे. महाराष्ट्रातील ठाण्यात ही प्रजाती आढळून आली आहे,' असं ट्वीट ध्रुव यांनी केलं आहे.


२६ नोव्हेंबर २००८ रोजी मुंबईवर झालेल्या दहशतवादी हल्ल्यावेळी मुंबई पोलीस दलातील सहाय्यक पोलीस उपनिरिक्षक तुकाराम ओंबळे यांनी आपल्या प्राणाची पर्वा न करता दहशतवादी अजमल कसाब याला जिवंत पडकलं. त्यावेळी कसाबनं तुकाराम ओंबळेंवर तब्बल २३ गोळ्या झाडल्या होत्या. तुकाराम ओंबळेंच्या या साहसाची दखल घेत सरकारनं त्यांना मरणोत्तर अशोकचक्र प्रदान केलं होतं.

वाचाः महाराष्ट्र आजपासून दुपारी चारनंतर बंद; कोणत्या जिल्ह्यात काय सुरू, काय बंद?वाचाः मुंबईः ऑनलाइन क्लास सुरू असताना पॉर्न व्हिडिओ चालू केला अन्...