म. टा. खास प्रतिनिधी, मुंबई
डॉ. पायल तडवी हिच्या आत्महत्येमुळे प्रकाशझोतात आलेल्या नायर रुग्णालयात गुरुवारी आणखी एक घटना घडली. रुग्णालयातील वॉर्ड क्रमांक सातमधून एका महिलेने पाच दिवसाचे मूल चोरले. याप्रकरणी आग्रीपाडा पोलिस ठाण्यात अपहरणाचा गुन्हा दाखल करण्यात आला आहे.
नायर रुग्णालयात गर्भवती महिलांसाठी सात नंबर वॉर्ड व्यवस्था करण्यात येते. या ठिकाणी एक महिला पाच दिवसांच्या बाळासह झोपली होती. काही वेळाने जाग आली त्यावेळी मूल शेजारी नव्हते. तिने आजूबाजूला शोध घेतला, रुग्णालयातील इतर कर्मचाऱ्यांनीही शोधले मात्र मूल सापडले नाही. अखेर मुलाच्या आईसह रुग्णालय प्रशासनाने पोलिसांत धाव घेतली.
याबाबतची माहिती मिळताच आग्रीपाडा पोलिस रुग्णालयात पोहोचले. रुग्णालयातील सीसीटीव्ही फुटेज तपासले त्यावेळी गुरुवारी सायंकाळी पाचच्या सुमारास आकाशी रंगाचे कपडे परिधान केलेली एक महिला मुलाला उचलून घेऊन जाताना दिसत आहे. आईच्या तक्रारीवरून आग्रीपाडा पोलिसांनी अपहरणाचा गुन्हा दाखल करून या महिलेचा शोध सुरू केला आहे.
डॉ. पायल तडवी हिच्या आत्महत्येमुळे प्रकाशझोतात आलेल्या नायर रुग्णालयात गुरुवारी आणखी एक घटना घडली. रुग्णालयातील वॉर्ड क्रमांक सातमधून एका महिलेने पाच दिवसाचे मूल चोरले. याप्रकरणी आग्रीपाडा पोलिस ठाण्यात अपहरणाचा गुन्हा दाखल करण्यात आला आहे.
नायर रुग्णालयात गर्भवती महिलांसाठी सात नंबर वॉर्ड व्यवस्था करण्यात येते. या ठिकाणी एक महिला पाच दिवसांच्या बाळासह झोपली होती. काही वेळाने जाग आली त्यावेळी मूल शेजारी नव्हते. तिने आजूबाजूला शोध घेतला, रुग्णालयातील इतर कर्मचाऱ्यांनीही शोधले मात्र मूल सापडले नाही. अखेर मुलाच्या आईसह रुग्णालय प्रशासनाने पोलिसांत धाव घेतली.
याबाबतची माहिती मिळताच आग्रीपाडा पोलिस रुग्णालयात पोहोचले. रुग्णालयातील सीसीटीव्ही फुटेज तपासले त्यावेळी गुरुवारी सायंकाळी पाचच्या सुमारास आकाशी रंगाचे कपडे परिधान केलेली एक महिला मुलाला उचलून घेऊन जाताना दिसत आहे. आईच्या तक्रारीवरून आग्रीपाडा पोलिसांनी अपहरणाचा गुन्हा दाखल करून या महिलेचा शोध सुरू केला आहे.