पश्चिम रेल्वेवर ‘ब्लॉक’दिलासा

म.टा. प्रतिनिधी, मुंबई

पश्चिम रेल्वेने बोरिवली ते भाईंदरदरम्यान रात्रकालीन ब्लॉकचे नियोजन केल्याने रविवारी दिवसा पश्चिम रेल्वेवरील प्रवाशांची ब्लॉकच्या त्रासातून सुटका होणार आहे. मात्र, मध्य रेल्वेने मुलुंड ते माटुंगा स्थानकादरम्यान आणि सीएसएमटी-चुनाभट्टी/वांद्रे स्थानकादरम्यान मेगाब्लॉक घोषित केला आहे.

मध्य रेल्वे

स्थानक : मुलुंड ते माटुंगा

वेळ : स.११.१५ ते दु.३.१५

मार्ग : अप जलद

परिणाम : ब्लॉकवेळेत लोकल फेऱ्या धीम्या मार्गावर वळवण्यात येतील. रविवारी सकाळी १०.५०पासून मुंबईत येणाऱ्या आणि मुंबईहून सुटणाऱ्या मेल-एक्स्प्रेस धीम्या मार्गावरून धावतील. यामुळे रविवारी सुमारे २०-२५ मिनिटे लोकल विलंबाने धावतील. रविवारी दादर-रत्नागिरी पॅसेंजर दिवा स्थानकातून चालवण्यात येईल.

हार्बर रेल्वे

स्थानक : सीएसएमटी ते चुनाभट्टी/वांद्रे

वेळ : स.११.४० ते दु.४.१०

मार्ग - अप आणि डाऊन

परिणाम : ब्लॉकवेळेत सीएसएमटी ते चुनाभट्टी-वांद्रे स्थानकांतील फेऱ्या रद्द राहतील. तसेच कुर्ला प्लॅटफॉर्म क्रमांक ८वरून पनवेल-कुर्ला मार्गावर विशेष फेऱ्या चालवण्यात येतील.

पश्चिम रेल्वे

स्थानक : बोरिवली ते भाईंदर

मार्ग : अप आणि डाऊन जलद

वेळ : शनिवार रात्री ११.३० ते रविवार पहाटे ४.३०

परिणाम : ब्लॉकवेळेत जलद मार्गावरील वाहतूक धीम्या मार्गावर वळवण्यात येईल. यामुळे काही लोकल फेऱ्या विलंबाने धावणार आहेत. रात्रकालीन ब्लॉकमुळे रविवारी दिवसा कोणताही ब्लॉक असणार नाही.