म. टा. प्रतिनिधी, मुंबई
‘एम एस धोनी : द अनटोल्ड स्टोरी’ हा मराठीत डब होणारा पहिला कमर्शिअल बॉलिवूडपट असेल, अशी घोषणा केली गेली होती. मात्र यावर मनसेने विरोध दरशवल्याने आता हिंदीसह तो केवळ तामिळ आणि तेलुगूत प्रदर्शित झाला आहे. अर्थात, चित्रपटाचे काम पूर्ण होऊ शकले नाही असे कारण सांगत निर्मात्यांनी यातून आता काढता पाय घेतला आहे.
‘चित्रपटाला अभूतपूर्व मागणी असल्याने तो सगळ्या भाषांमध्ये वेळेत पूर्ण करायचा होता. अशावेळी पंजाबी आणि मराठीमध्ये ते शक्य होऊ शकले नाही’, असे स्पष्टीकरण फॉक्स स्टार स्टुडियोजचे सीइओ विजय सिंग यांनी दिले आहे.
सूत्रांनी दिलेल्या माहितीनुसार, धोनीचे मराठी व्हर्जनचे काम पूर्ण झाले आहे. गीतकार गुरू ठाकूर यांनी मराठी डब व्हर्जनसाठीची गाणीही लिहिली होती. मात्र अलीकडचा राजकीय दबाव बघता निर्मात्यांनी मराठी व्हर्जन नंतर प्रदर्शित करणार असल्याचे समजते.
माही झाला सावध
'कॉमेडी नाइट्स बचाओ' शोमध्ये तनिष्ठाची रंगावरून उडवलेली खिल्ली आणि त्यावरून झालेली चर्चा हा मुद्दा सगळीकडे गाजत आहे. त्या पार्श्वभूमीवर महेंद्रसिंग धोनीने कपिल शर्माच्या या शोमध्ये जाण्यास नकार दिल्याचे समजते.
कपिलच्या टीमने धोनी शोमध्ये यावा यासाठी बरेच प्रयत्न केले. मात्र, त्याने यापासून लांब राहण्याचाच निर्णय घेतला. दरम्यान, कपिलची अजूनही त्याच्याशी चर्चा सुरू असून, अद्याप निर्णय झाला नसल्याचे चॅनलच्या सूत्रांकडून समजते.
‘एम एस धोनी : द अनटोल्ड स्टोरी’ हा मराठीत डब होणारा पहिला कमर्शिअल बॉलिवूडपट असेल, अशी घोषणा केली गेली होती. मात्र यावर मनसेने विरोध दरशवल्याने आता हिंदीसह तो केवळ तामिळ आणि तेलुगूत प्रदर्शित झाला आहे. अर्थात, चित्रपटाचे काम पूर्ण होऊ शकले नाही असे कारण सांगत निर्मात्यांनी यातून आता काढता पाय घेतला आहे.
‘चित्रपटाला अभूतपूर्व मागणी असल्याने तो सगळ्या भाषांमध्ये वेळेत पूर्ण करायचा होता. अशावेळी पंजाबी आणि मराठीमध्ये ते शक्य होऊ शकले नाही’, असे स्पष्टीकरण फॉक्स स्टार स्टुडियोजचे सीइओ विजय सिंग यांनी दिले आहे.
सूत्रांनी दिलेल्या माहितीनुसार, धोनीचे मराठी व्हर्जनचे काम पूर्ण झाले आहे. गीतकार गुरू ठाकूर यांनी मराठी डब व्हर्जनसाठीची गाणीही लिहिली होती. मात्र अलीकडचा राजकीय दबाव बघता निर्मात्यांनी मराठी व्हर्जन नंतर प्रदर्शित करणार असल्याचे समजते.
माही झाला सावध
'कॉमेडी नाइट्स बचाओ' शोमध्ये तनिष्ठाची रंगावरून उडवलेली खिल्ली आणि त्यावरून झालेली चर्चा हा मुद्दा सगळीकडे गाजत आहे. त्या पार्श्वभूमीवर महेंद्रसिंग धोनीने कपिल शर्माच्या या शोमध्ये जाण्यास नकार दिल्याचे समजते.
कपिलच्या टीमने धोनी शोमध्ये यावा यासाठी बरेच प्रयत्न केले. मात्र, त्याने यापासून लांब राहण्याचाच निर्णय घेतला. दरम्यान, कपिलची अजूनही त्याच्याशी चर्चा सुरू असून, अद्याप निर्णय झाला नसल्याचे चॅनलच्या सूत्रांकडून समजते.