म. टा. खास प्रतिनिधी, मुंबई
राज्याच्या मराठी भाषा दिनाच्या वतीने यंदा मराठी भाषा दिन २७ फेब्रुवारी रोजी गेट वे ऑफ इंडिया येथे भव्य स्वरूपात साजरा करण्यात येणार होता. सजावट, मंडप, इतर व्यवस्था या कामांसाठी ई-टेंडरिंग पद्धतीने निविदा काढण्यात येणार होत्या. मात्र, आचारसंहिता लागू झाल्याने २७ फेब्रुवारीच्या कार्यक्रमासाठीच्या ई-टेंडरिंग पद्धतीला राज्य निवडणूक आयोगाने परवानगी नाकारली आहे. त्यामुळे गेट वेवर होणाऱ्या या कार्यक्रमाला फटका बसण्याची शक्यता निर्माण झाली आहे.
गेट वे ऑफ इंडिया येथे होणाऱ्या या कार्यक्रमात मारुती चितमपल्ली यांना विंदा करंदीकर जीवनगौरव पुरस्कार देण्यात येणार होता. त्याशिवाय मंगेश पाडगावकर भाषासंवर्धक पुरस्कार, अशोक केळकर भाषा अभ्यासक पुरस्कार, श्री. पु. भागवत उत्कृष्ट प्रकाशन पुरस्कार या पुरस्कारांचे वितरणही या कार्यक्रमात होणार होते. मात्र, आता या कार्यक्रमाच्या पहिल्या पावलावरच अडचण निर्माण झाल्याने पुढील प्रक्रिया कशी होणार याबद्दल प्रश्नचिन्ह निर्माण झाले आहे.
२१ फेब्रुवारी रोजी महापालिका निवडणुकांची घोषणा झाल्याने ही फाइल आचारसंहितेच्या कचाट्यात सापडली आहे, अशी माहिती मराठी भाषा विभागाच्या अधिकाऱ्यांकडून देण्यात आली. मंगळवारी या फाइलवर नकारात्मक शेरा मारण्यात आल्याचे समजते.
निवडणुकीची आचारसंहिता २३ फेब्रुवारी रोजी संपत आहे. हा कार्यक्रम २७ फेब्रुवारी रोजी होणार असल्याने आचारसंहिता संपल्यानंतरचा कार्यक्रम आहे त्यामुळे याबद्दल आचारसंहिता का लागू व्हावी, अशी चर्चा आता भाषा विभागाच्या अधिकाऱ्यांमध्ये आहे.
फाइल पुन्हा पाठवणार?
कार्यक्रम जेमतेम महिन्यावर आलेला असताना हा निर्णय झाल्याने पुढे जाण्यासाठी नेमकी कोणती पावले उचलायची यावरून गोंधळ निर्माण झाला आहे. तरी मराठी भाषा विभाग ही फाइल फेरविचारार्थ निवडणूक आयोगाकडे पाठवणार असल्याची चर्चा सुरू आहे. मराठी भाषकांच्या राज्यात मराठी भाषा दिनालाच अडथळा निर्माण होऊ नये, अशी इच्छा भाषा विभागाकडून व्यक्त करण्यात येत आहे.
राज्याच्या मराठी भाषा दिनाच्या वतीने यंदा मराठी भाषा दिन २७ फेब्रुवारी रोजी गेट वे ऑफ इंडिया येथे भव्य स्वरूपात साजरा करण्यात येणार होता. सजावट, मंडप, इतर व्यवस्था या कामांसाठी ई-टेंडरिंग पद्धतीने निविदा काढण्यात येणार होत्या. मात्र, आचारसंहिता लागू झाल्याने २७ फेब्रुवारीच्या कार्यक्रमासाठीच्या ई-टेंडरिंग पद्धतीला राज्य निवडणूक आयोगाने परवानगी नाकारली आहे. त्यामुळे गेट वेवर होणाऱ्या या कार्यक्रमाला फटका बसण्याची शक्यता निर्माण झाली आहे.
गेट वे ऑफ इंडिया येथे होणाऱ्या या कार्यक्रमात मारुती चितमपल्ली यांना विंदा करंदीकर जीवनगौरव पुरस्कार देण्यात येणार होता. त्याशिवाय मंगेश पाडगावकर भाषासंवर्धक पुरस्कार, अशोक केळकर भाषा अभ्यासक पुरस्कार, श्री. पु. भागवत उत्कृष्ट प्रकाशन पुरस्कार या पुरस्कारांचे वितरणही या कार्यक्रमात होणार होते. मात्र, आता या कार्यक्रमाच्या पहिल्या पावलावरच अडचण निर्माण झाल्याने पुढील प्रक्रिया कशी होणार याबद्दल प्रश्नचिन्ह निर्माण झाले आहे.
२१ फेब्रुवारी रोजी महापालिका निवडणुकांची घोषणा झाल्याने ही फाइल आचारसंहितेच्या कचाट्यात सापडली आहे, अशी माहिती मराठी भाषा विभागाच्या अधिकाऱ्यांकडून देण्यात आली. मंगळवारी या फाइलवर नकारात्मक शेरा मारण्यात आल्याचे समजते.
निवडणुकीची आचारसंहिता २३ फेब्रुवारी रोजी संपत आहे. हा कार्यक्रम २७ फेब्रुवारी रोजी होणार असल्याने आचारसंहिता संपल्यानंतरचा कार्यक्रम आहे त्यामुळे याबद्दल आचारसंहिता का लागू व्हावी, अशी चर्चा आता भाषा विभागाच्या अधिकाऱ्यांमध्ये आहे.
फाइल पुन्हा पाठवणार?
कार्यक्रम जेमतेम महिन्यावर आलेला असताना हा निर्णय झाल्याने पुढे जाण्यासाठी नेमकी कोणती पावले उचलायची यावरून गोंधळ निर्माण झाला आहे. तरी मराठी भाषा विभाग ही फाइल फेरविचारार्थ निवडणूक आयोगाकडे पाठवणार असल्याची चर्चा सुरू आहे. मराठी भाषकांच्या राज्यात मराठी भाषा दिनालाच अडथळा निर्माण होऊ नये, अशी इच्छा भाषा विभागाकडून व्यक्त करण्यात येत आहे.