अ‍ॅपशहर

अबुधाबीच्या गणेशोत्सवातही ‘नो प्लास्टिक’

प्लास्टिकबंदी, थर्माकोलबंदीमुळे मुंबईच्या गणेशोत्सवात ठिकठिकाणी पर्यावरणपूरक साहित्याचा वापर करून केलेली सजावट पाहायला मिळतेय. सातासमुद्रापार अबुधाबीमध्ये साजऱ्या होणाऱ्या गणेशोत्सवामध्येही अशाच प्रकारे प्लास्टिक, थर्माकोल आणि पीओपीचा वापर टाळूनच उत्सव दणक्यात साजरा होतोय.

Maharashtra Times 22 Sep 2018, 1:08 am
प्रथमेश राणे, कॉलेज क्लब रिपोर्टर
महाराष्ट्र टाइम्स.कॉम no plastic in abubadabi ganesh festival
अबुधाबीच्या गणेशोत्सवातही ‘नो प्लास्टिक’


प्लास्टिकबंदी, थर्माकोलबंदीमुळे मुंबईच्या गणेशोत्सवात ठिकठिकाणी पर्यावरणपूरक साहित्याचा वापर करून केलेली सजावट पाहायला मिळतेय. सातासमुद्रापार अबुधाबीमध्ये साजऱ्या होणाऱ्या गणेशोत्सवामध्येही अशाच प्रकारे प्लास्टिक, थर्माकोल आणि पीओपीचा वापर टाळूनच उत्सव दणक्यात साजरा होतोय. तिथल्या महाराष्ट्र मंडळानं त्यासाठी जय्यत तयारी केली होती. त्यासाठी शाडूच्या गणेशमूर्तीपासून बहुतांश साहित्य भारतातून मागवण्यात आलं होतं. कागद आणि पुठ्ठ्यांचा वापर करत तिथे मुंबईतलं प्रसिद्ध सिद्धिविनायक मंदिर आणि राजस्थानच्या जयपूर पॅलेसची प्रतिकृती उभारण्यात आली होती.

१९७७ साली ७-८ कुटुंबांनी मिळून सुरू केलेला हा सोहळा १९९२ पासून महाराष्ट्र मंडळातर्फे साजरा केला जातोय. यंदा हा सोहळा पर्यावरणपूरक करण्यासाठी थर्मोकोल, प्लास्टिक, पीओपीसारख्या पर्यावरणाला घातक ठरणाऱ्या घटकांचा उपयोग न करण्याचा निर्णय मंडळानं घेतला होता. शाडूची २२ इंच उंची असेली गणेशमूर्ती खास नाशिकहून मागवण्यात आली. गणेशोत्सवात ढोल ताशा, शोभायात्रा, लेझीम, नृत्य अशा कार्यक्रमांचं आयोजन करण्यात आलं होतं.

१५ हजार भक्त दर्शनाला

यंदा साजरा झालेल्या दोन दिवसांच्या उत्सवात जवळपास १५ हजार गणेशभक्तांनी गणरायाच्या दर्शनाचा लाभ घेतला. अबूधाबीमध्ये राहणाऱ्या भारतीय वंशाच्या भक्तांसह जपान, रोमेनिया आणि पाकिस्तानी या देशांमधील भक्तही दर्शनासाठी इथे दाखल झाले होते. परदेशात राहत असलेल्या या भक्तांनी गणरायाच्या दर्शनाचा लाभ घेतला.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज