संजय दत्तला शिक्षेत सूट दिली नाही

मुंबईः मुंबई बॉम्बस्फोट खटल्यातील दोषी अभिनेता संजय दत्तला शिक्षेत कोणतीही सूट दिली नाही, असा खुलासा राज्य सरकारने उच्च न्यायालयात केला आहे.

या प्रकरणी प्रदीप भालेराव यांनी जनहित याचिका केली होती. त्यात संजय दत्तची फर्लो आणि पॅरोलवर सुटका करताना तुरुंग नियमांचे पालन करण्यात आल्याचे दावा करणारे प्रतिज्ञापत्र सरकारतर्फे न्यायालयात देण्यात आले. अन्य कैद्यांच्या तुलनेत संजय दत्त याला येरवडा तुरुंगाने शिक्षेत सूट दिल्याचे अर्जदाराचे म्हणणे होते. मुंबई बॉम्बस्फोट खटल्यात संजयदत्तला देण्यात आलेली शिक्षा त्याने येरवडा तुरुंगात भोगली. या याचिकेवर पुढच्या आठवड्यात सुनावणी होणार आहे.