मेट्रोसाठी दहिसरमध्ये जागा

मुंबई : मेट्रो -२ व मेट्रो-७ या दोन मार्गांच्या कारशेडसाठी जागा उभारण्याचा एमएमआरडीएचा शोध संपला आहे. दहिसर येथील ४० एकर जागा या प्रकल्पासाठी एअरपोर्ट ऑथोरिटी ऑफ इंडिया एमएमआरडीएला देणार आहे. त्यादृष्टीने उद्या मंगळवारी या दोन्ही प्राधिकरणात करार होणार आहे.

एमएमआरडीएने दहिसर पूर्व ते अंधेरी पूर्व मेट्रो-७ व दहिसर ते डी.एन.नगर मेट्रो-२ हे दोन प्रकल्प हाती घेतले असून त्यांचे कामही सरू झाले आहे. मेट्रो-७ साठी पाया खोदण्याचे काम जवळपास पूर्ण झाले आहे. या दोन्ही मार्गांसाठी दहिसर येथे कारशेड उभारण्याचा एमएमआरडीएचा प्रस्ताव होता. त्यादृष्टीने एमएमआरडीए व एअरपोर्ट ऑथोरिटीमध्ये चर्चा सुरू होती. दहिसर येथील एअरपोर्ट ऑथोरिटीच्या जागेच्या मोबदल्या तेवढ्याच क्षेत्रफळाचा गोराई येथील भूखंड देण्याची तयारी दर्शवली होती. नेमक्या याच जागेवर एअरपोर्ट ऑथोरिटीला त्यांचा प्रकल्प उभारायचा होता.