मुंबई सेंट्रल स्थानकातील घटना
म. टा. प्रतिनिधी, मुंबई
सीएसएमटी स्थानकात लोकल बफरवर आदळण्याची घटना ताजी असतानाच मुंबई सेंट्रल स्थानकात रविवारी इंजिनने बफरला धडक दिली. या घटनेत कोणतीही जीवितहानी झाली नसली, तरी बफरचे मात्र नुकसान झाले.
रविवारी सांयकाळी ७.३० वाजण्याच्या सुमारास फिरोजपूर जनता एक्स्प्रेस रवाना झाल्यानंतर इंजिन प्लॅटफॉर्मवर दाखल होत होते. यावेळी इंजिनची गती वाढवण्याच्या हँडलमध्ये बिघाड उद्भवल्याने इंजिन बफरवर जाऊन आदळले. या दुर्घटनेत कोणत्याही प्रवाशाला दुखापत झाली नाही. दरम्यान, आपत्कालीन ब्रेक तातडीने कार्यान्वित करण्यात आल्यामुळे इंजिनवर नियंत्रण मिळवणे शक्य झाल्याची माहिती रेल्वे अधिकाऱ्यांनी दिली.
....................