म. टा. प्रतिनिधी, मुंबई
मंत्रालयातील तीन विभागांच्या मंत्री कार्यालयातील अधिकारी कर्मचाऱ्यांना करोनाची लागण झाल्यामुळे ती मंत्री कार्यालये काही दिवस तात्पुरती बंद ठेवण्याचा निर्णय घेण्यात आला आहे. अन्न व नागरी पुरवठामंत्री छगन भुजबळ, उच्च व तंत्र शिक्षणमंत्री उदय सामंत आणि ऊर्जामंत्री डॉ. नितीन राऊत यांच्या कार्यालयाचा यात समावेश असल्याचे शनिवारी उघडकीस आले आहे.
मुंबई शहरात करोनाचे रुग्ण वाढत असून, त्याचा फटका मंत्रालयालाही बसू लागला आहे. तीन मंत्री कार्यालयातील कर्मचारी मोठ्या प्रमाणात करोना पॉझिटिव्ह आढळल्याने ही मंत्री कार्यालये तात्पुरती बंद ठेवण्यात आली आहेत. ऊर्जामंत्री डॉ. नितीन राऊत यांचे मंत्रालयातील कार्यालयाचे नूतनीकरण सुरू असल्यामुळे त्यांचे कार्यालय आधीच हुतात्मा चौकातील एचएसबीसी इमारतीतील महावितरणच्या कार्यालयात हलवण्यात आले आहे. नितीन राऊत यांच्या कार्यालयात काम करणारे सहा कर्मचारी करोना पॉझिटिव्ह आढळले आहेत.
उच्च व तंत्र शिक्षणमंत्री उदय सामंत यांच्या मंत्रालयातील कार्यालयात पाच कर्मचारी करोना पॉझिटिव्ह आढळले आहेत. तीन दिवसांपूर्वी हे कार्यालय संध्याकाळी घाईगडबडीने बंद करण्यात आले. उच्च शिक्षणमंत्री उदय सामंत सध्या मंत्रालयासमोरील आपल्या शासकीय निवासस्थानामधून खात्याचा कारभार पाहत आहेत.
अन्न व नागरी पुरवठामंत्री छगन भुजबळ यांच्या कार्यालयातील काही अधिकारी आणि कर्मचाऱ्यांना करोनाची सूक्ष्म लक्षणे जाणवत असल्यामुळे सुरक्षेच्या दृष्टीने सर्वांची करोना चाचणी करण्यात आली. यात सहा अधिकारी आणि कर्मचारी करोना पॉझिटिव्ह आढळून आले आहेत. यामुळे भुजबळ यांचे मंत्रालयातील कार्यालय एक आठवडा बंद ठेवण्याचा निर्णय अन्न व नागरी पुरवठा विभागाने घेतला आहे. आपल्याच कार्यालयातील कर्मचारी पॉझिटिव्ह आढळून आल्यामुळे अन्न व नागरी पुरवठामंत्री छगन भुजबळ हे स्वतः होम क्वारंटाइन झाले आहेत. कार्यालयातील कर्मचाऱ्यांच्या संपर्कात आलेल्या सर्वांनी लक्षणे आढळल्यास करोना तपासणी करून घ्यावी, असे आवाहन भुजबळ यांनी केले आहे.
मंत्रालयातील तीन विभागांच्या मंत्री कार्यालयातील अधिकारी कर्मचाऱ्यांना करोनाची लागण झाल्यामुळे ती मंत्री कार्यालये काही दिवस तात्पुरती बंद ठेवण्याचा निर्णय घेण्यात आला आहे. अन्न व नागरी पुरवठामंत्री छगन भुजबळ, उच्च व तंत्र शिक्षणमंत्री उदय सामंत आणि ऊर्जामंत्री डॉ. नितीन राऊत यांच्या कार्यालयाचा यात समावेश असल्याचे शनिवारी उघडकीस आले आहे.
मुंबई शहरात करोनाचे रुग्ण वाढत असून, त्याचा फटका मंत्रालयालाही बसू लागला आहे. तीन मंत्री कार्यालयातील कर्मचारी मोठ्या प्रमाणात करोना पॉझिटिव्ह आढळल्याने ही मंत्री कार्यालये तात्पुरती बंद ठेवण्यात आली आहेत. ऊर्जामंत्री डॉ. नितीन राऊत यांचे मंत्रालयातील कार्यालयाचे नूतनीकरण सुरू असल्यामुळे त्यांचे कार्यालय आधीच हुतात्मा चौकातील एचएसबीसी इमारतीतील महावितरणच्या कार्यालयात हलवण्यात आले आहे. नितीन राऊत यांच्या कार्यालयात काम करणारे सहा कर्मचारी करोना पॉझिटिव्ह आढळले आहेत.
उच्च व तंत्र शिक्षणमंत्री उदय सामंत यांच्या मंत्रालयातील कार्यालयात पाच कर्मचारी करोना पॉझिटिव्ह आढळले आहेत. तीन दिवसांपूर्वी हे कार्यालय संध्याकाळी घाईगडबडीने बंद करण्यात आले. उच्च शिक्षणमंत्री उदय सामंत सध्या मंत्रालयासमोरील आपल्या शासकीय निवासस्थानामधून खात्याचा कारभार पाहत आहेत.
अन्न व नागरी पुरवठामंत्री छगन भुजबळ यांच्या कार्यालयातील काही अधिकारी आणि कर्मचाऱ्यांना करोनाची सूक्ष्म लक्षणे जाणवत असल्यामुळे सुरक्षेच्या दृष्टीने सर्वांची करोना चाचणी करण्यात आली. यात सहा अधिकारी आणि कर्मचारी करोना पॉझिटिव्ह आढळून आले आहेत. यामुळे भुजबळ यांचे मंत्रालयातील कार्यालय एक आठवडा बंद ठेवण्याचा निर्णय अन्न व नागरी पुरवठा विभागाने घेतला आहे. आपल्याच कार्यालयातील कर्मचारी पॉझिटिव्ह आढळून आल्यामुळे अन्न व नागरी पुरवठामंत्री छगन भुजबळ हे स्वतः होम क्वारंटाइन झाले आहेत. कार्यालयातील कर्मचाऱ्यांच्या संपर्कात आलेल्या सर्वांनी लक्षणे आढळल्यास करोना तपासणी करून घ्यावी, असे आवाहन भुजबळ यांनी केले आहे.