म. टा. विशेष प्रतिनिधी, मुंबई: अलमट्टी धरणातून कर्नाटक सरकारने शुक्रवारी दुपारपर्यंत ४,५०,००० क्युसेक्स पाण्याचा विसर्ग सुरू केला आहे, असा दावा महाराष्ट्र सरकारने केला आहे. राज्यात पूरस्थिती असताना जनतेला दिलासा देण्याऐवजी चुकीच्या पद्धतीने माहिती देणे उचित ठरणार नाही, असे शालेय शिक्षण मंत्री आशीष शेलार यांनी सांगितले. तर, कृष्णा भाग्य निगम या कर्नाटक सरकारच्या वेबसाइटवर नेहमीप्रमाणे पाण्याचा विसर्ग अलमट्टी धरणातून होत असल्याची आकडेवारी दिसत आहे. त्यामुळे अलमट्टीतून पाण्याचा विसर्ग किती याबाबत गोंधळ आहे.
अलमट्टी धरणातून पाच लाख क्युसेक्स पाण्याचा विसर्ग करण्याची विनंती मुख्यमंत्री देवेंद्र फडणवीस यांनी कर्नाटकचे मुख्यमंत्री येडियुरप्पा यांना केली होती. परंतु पाण्याचा विसर्ग नेहमीप्रमाणे केला जात आहे, असे वृत्त प्रसारमाध्यमांतून दाखविले जात आहे. त्यावर शेलार म्हणाले की, संपूर्ण माहिती समाजमाध्यमांमध्ये उपलब्ध असताना त्याकडे दुर्लक्ष करून अशापद्धतीने चुकीची माहिती विरोधकांकडून दिली जात आहे. कर्नाटकच्या मुख्यमंत्री कार्यालयाने शुक्रवारी सकाळीच एक ट्विट करून ४,३०,३५२ क्युसेक्स इतक्या पाण्याचा विसर्ग होत असल्याचे सांगितल्यानंतर देखील कमी प्रमाणात विसर्ग असल्याचे भासविण्यात येत आहे. ३,८०,३१६ क्युसेक्स इतकी आवक असताना त्यापेक्षा ५०,००० क्युसेक्सने अधिक विसर्ग करण्यात येत होता. आता हा विसर्ग दुपारपर्यंत साडेचार लाख क्युसेक्सवर पोहोचला आहे, असे राज्य सरकारचे म्हणणे आहे.
अलमट्टी धरणातून पाच लाख क्युसेक्स पाण्याचा विसर्ग करण्याची विनंती मुख्यमंत्री देवेंद्र फडणवीस यांनी कर्नाटकचे मुख्यमंत्री येडियुरप्पा यांना केली होती. परंतु पाण्याचा विसर्ग नेहमीप्रमाणे केला जात आहे, असे वृत्त प्रसारमाध्यमांतून दाखविले जात आहे. त्यावर शेलार म्हणाले की, संपूर्ण माहिती समाजमाध्यमांमध्ये उपलब्ध असताना त्याकडे दुर्लक्ष करून अशापद्धतीने चुकीची माहिती विरोधकांकडून दिली जात आहे. कर्नाटकच्या मुख्यमंत्री कार्यालयाने शुक्रवारी सकाळीच एक ट्विट करून ४,३०,३५२ क्युसेक्स इतक्या पाण्याचा विसर्ग होत असल्याचे सांगितल्यानंतर देखील कमी प्रमाणात विसर्ग असल्याचे भासविण्यात येत आहे. ३,८०,३१६ क्युसेक्स इतकी आवक असताना त्यापेक्षा ५०,००० क्युसेक्सने अधिक विसर्ग करण्यात येत होता. आता हा विसर्ग दुपारपर्यंत साडेचार लाख क्युसेक्सवर पोहोचला आहे, असे राज्य सरकारचे म्हणणे आहे.