​आणखी एक बालमृत्यू

नरेंद्र पाटील, पालघर

वाडा तालुक्यात आणखी एका बालकाचा कुपोषणामुळे मृत्यू झाला आहे. धक्कादायक बाब म्हणजे या मुलाची शासनदरबारी कुपोष‌ति म्हणून नोंदच करण्यात आली नव्हती. त्यामुळे कुपोष‌ति मुलांची आकडेवारी लपवण्याचे छुपे आदेश शासनाकडून देण्यात आले असण्याची शंका व्यक्त केली जात आहे.

वाडा तालुक्यातील सोनशिव गावातील वेदांत महेश मढवी (वय साडेचार वर्षे) या मुलाचा रक्ताशयाने मृत्यू झाला. मात्र त्याच्या नावाची कुपोष‌ति मुलांच्या यादीत नोंदच नसल्याचे निदर्शनास आले आहे. वेदांतचे वजन केवळ ११ कि. १०० ग्रॅ. होते. उपचारांसाठी वाडा ग्रामीण रुग्णालयातून व्हेंटिलेटर लावून ठाणे येथे नेत असताना रस्त्यातच सोमवारी पहाटे त्याचा मृत्यू झाला.

पालघरबरोबरच मोखाडा आण‌ि जव्हार तालुक्यातही एप्रिल ते ऑगस्ट महिन्यात अनुक्रमे ३२ आणि ६४ अशी एकूण ९६ बालकांचा कुपोषणामुळे मृत्यू झाला आहे.