अमेठी विद्यापीठ कुलगुरू डॉ. विजय खोले यांचे प्रतिपादन
म. टा. प्रतिनिधी, मुंबई
‘मुंबई विद्यापीठाच्या दूर व मुक्त अध्ययन संस्थेच्या (आयडॉल) ई - एमबीए हा उपक्रम कौतुकास्पद आहे. दूर व मुक्त शिक्षण क्षेत्रात अभ्यासक्रम व पदवी नियंत्रण करणाऱ्या व्यवस्थेची सध्या गरज असून आगामी काळात या क्षेत्रात महत्त्वाची अग्रणी भूमिका ठरेल. दूर व मुक्त अध्ययन संस्थेचे शिक्षण हेच येत्या काळाची गरज असून ऑनलाइन विद्यापीठ विद्यार्थ्यांसाठी उपलब्ध होण्याची शक्यता आणि गरज आहे,’ असे प्रतिपादन अमेठी विद्यापीठाचे कुलगुरू डॉ. विजय खोले यांनी नुकतेच मुंबईत व्यक्त केले.
मुंबई विद्यापीठाचा पदवी प्रमाणपत्र वितरण सोहळा आणि वर्धापन दिन नुकताच कलिना कॅम्पस येथील फिरोजशहा मेहता सभागृहात पार पडला. त्यावेळी ते बोलत होते. यावेळी मुंबई विद्यापीठाचे बीसीयुडी संचालक डॉ. अनिल पाटील, आयडॉलच्या संचालिका डॉ. अंबुजा साळगावकर यांच्यासह अनेक मान्यवर उपस्थित होते. यावेळी आयडॉलचे माजी संचालक डॉ. तन्ना, डॉ. पवार तसेच डॉ. हरिचंदन यांचा विशेष सत्कार करण्यात आला. संस्थेचे उपकुलसचिव दिनेश कांबळे, तसेच प्रा. मधुरा कुलकर्णी यांनी पीएचडी प्राप्त केल्याने त्यांचाही सत्कार करण्यात आला.
यावेळी बोलताना डॉ. अंबुजा साळगावकर म्हणाल्या की, आयडॉलचे ऑनलाइन व्हिडीओ लेक्चर तसेच ओईआर हे उपक्रम विज्ञानाची कास धरून विद्यार्थ्यांना अधिक सक्षम करणारे आहेत. आयडॉलच्या प्रयोगशील उपक्रमांमध्ये सुरेश वाडकर यांच्या अजिवासन या संस्थेचा अभ्यासक्रम विकसित करण्यासाठी सहभाग, तसेच थॉमस कुक, अग्नी सुरक्षा संस्था याही संस्थांबरोबर सामंजस्य करार करून आयडॉलच्या या उपक्रमांमध्ये समाजातील मान्यताप्रप्त संस्थांचा सहभाग वैशिष्ट्यपूर्ण असल्याचे त्यांनी अधोरेखित केले आहे.
म. टा. प्रतिनिधी, मुंबई
‘मुंबई विद्यापीठाच्या दूर व मुक्त अध्ययन संस्थेच्या (आयडॉल) ई - एमबीए हा उपक्रम कौतुकास्पद आहे. दूर व मुक्त शिक्षण क्षेत्रात अभ्यासक्रम व पदवी नियंत्रण करणाऱ्या व्यवस्थेची सध्या गरज असून आगामी काळात या क्षेत्रात महत्त्वाची अग्रणी भूमिका ठरेल. दूर व मुक्त अध्ययन संस्थेचे शिक्षण हेच येत्या काळाची गरज असून ऑनलाइन विद्यापीठ विद्यार्थ्यांसाठी उपलब्ध होण्याची शक्यता आणि गरज आहे,’ असे प्रतिपादन अमेठी विद्यापीठाचे कुलगुरू डॉ. विजय खोले यांनी नुकतेच मुंबईत व्यक्त केले.
मुंबई विद्यापीठाचा पदवी प्रमाणपत्र वितरण सोहळा आणि वर्धापन दिन नुकताच कलिना कॅम्पस येथील फिरोजशहा मेहता सभागृहात पार पडला. त्यावेळी ते बोलत होते. यावेळी मुंबई विद्यापीठाचे बीसीयुडी संचालक डॉ. अनिल पाटील, आयडॉलच्या संचालिका डॉ. अंबुजा साळगावकर यांच्यासह अनेक मान्यवर उपस्थित होते. यावेळी आयडॉलचे माजी संचालक डॉ. तन्ना, डॉ. पवार तसेच डॉ. हरिचंदन यांचा विशेष सत्कार करण्यात आला. संस्थेचे उपकुलसचिव दिनेश कांबळे, तसेच प्रा. मधुरा कुलकर्णी यांनी पीएचडी प्राप्त केल्याने त्यांचाही सत्कार करण्यात आला.
यावेळी बोलताना डॉ. अंबुजा साळगावकर म्हणाल्या की, आयडॉलचे ऑनलाइन व्हिडीओ लेक्चर तसेच ओईआर हे उपक्रम विज्ञानाची कास धरून विद्यार्थ्यांना अधिक सक्षम करणारे आहेत. आयडॉलच्या प्रयोगशील उपक्रमांमध्ये सुरेश वाडकर यांच्या अजिवासन या संस्थेचा अभ्यासक्रम विकसित करण्यासाठी सहभाग, तसेच थॉमस कुक, अग्नी सुरक्षा संस्था याही संस्थांबरोबर सामंजस्य करार करून आयडॉलच्या या उपक्रमांमध्ये समाजातील मान्यताप्रप्त संस्थांचा सहभाग वैशिष्ट्यपूर्ण असल्याचे त्यांनी अधोरेखित केले आहे.