म. टा. प्रतिनिधी, मुंबई
माहीम कपडा बाजार येथील रुग्णालयात करोना विलगीकरण केंद्र सुरू करण्यास स्थानिकांनी विरोध केला आहे. या ठिकाणी केंद्र सुरू करू नये, अशी विनंती त्यांनी पालिकेला तसेच स्थानिक पोलिसांना केली आहे.
नाथद्वारा मंदिर बोर्डाने तसे पत्र संबंधितांना दिले आहे. महापालिकेच्या रुग्णालयातून काही रुग्ण माहीम कपडा बाजारातील प्रभात रुग्णालय येथे विलगीकरणासाठी पाठवण्यात येणार आहेत. हा परिसर हा अत्यंत गजबजलेला व दाट लोकवस्तीचा आहे. त्यामुळे येथे विलगीकरण कक्ष उभारल्यास स्थानिकांना धोका निर्माण होऊ शकतो. त्यामुळे या रुग्णालयाच्या जागेऐवजी दुसऱ्या जागेचा विचार व्हावा, असे या पत्रात म्हटले आहे.