म. टा. प्रतिनिधी, मुंबई
गेल्या आठ वर्षांपासून प्रलंबित असलेल्या ओशिवरा रेल्वे स्थानकाचा प्रश्न निकाली निघणार असून येत्या डिसेंबरपर्यंत हे स्थानक प्रवाशांसाठी कार्यान्वित होण्याची शक्यता आहे. या रेल्वे स्थानकाजवळ असलेले रेल्वे फाटक बंद करणे आवश्यक होते. त्यासाठी उड्डाणपूल उभारण्याचे काम पालिका आणि रेल्वे यांच्यातील मतभेदामुळे अर्धवट राहिले होते. तथापि आता ते पूर्ण झाल्याने लवकरच हा उड्डाणपूल वापरासाठी खुला होणार आहे. तसेच सहा महिन्यांनी स्थानकाचे उर्वरित काम पूर्ण होणार असल्याची माहिती मुंबई रेल्वे विकास प्राधिकरणाच्या अधिकाऱ्याने दिली.
जोगेश्वरी आणि गोरेगाव या स्थानकांदरम्यान ओशिवरा हे नवे स्थानक असावे, ही मागणी अनेक वर्षांपासून प्रलंबित होती. ती मान्य होऊन ओशिवरा रेल्वे स्थानकाची उभारणीही सुरू झाली व तेथील रेल्वे फाटकातून रोज हजारो वाहनांची वाहतूक होत असल्याने पर्यायी उड्डाणपूल बांधण्याचेही मान्य करण्यात आले. रेल्वेने गोरेगावच्या दिशेला उड्डाणपूल बांधण्यास सुरुवात केली होती. रेल्वेच्या हद्दीतील उड्डाणपुलाचे काम पूर्ण झाल्यानंतरही पालिकेला हा उड्डाणपूल आपल्या हद्दीत नेण्यासाठी जागा मिळत नसल्याने काम रखडले होते. मात्र आता हा उड्डाणपूल तयार झाला असून तो १५ एप्रिलनंतर सुरू होण्याची शक्यता आहे.
उड्डाणपूल कार्यान्वित झाल्यानंतर रेल्वे फाटक बंद करणे शक्य होईल. हे फाटक बंद झाल्यानंतर फाटकाच्या दोन्ही बाजूला असलेले प्लॅटफॉर्म जोडणे, पादचारी पुलाचे काम पूर्ण करणे आदी कामे हाती घेण्यात येणार आहेत. त्यानंतर सिग्नल यंत्रणेतही बदल करावा लागणार आहे. प्लॅटफॉर्मवरील सोयीसुविधा, इंडिकेटर्स आदी सुविधाही द्याव्या लागणार आहेत. त्या सर्वांसाठी किमान सहा महिन्यांचा कालावधी लागणार असल्याने प्रत्यक्षात ओशिवरा रेल्वेस्थानक प्रवासी वापरासाठी नोव्हेंबर अखेरीपर्यंत पूर्ण होऊन डिसेंबरमध्ये ते सुरू होईल, असे रेल्वेतर्फे सांगण्यात आले.
गेल्या आठ वर्षांपासून प्रलंबित असलेल्या ओशिवरा रेल्वे स्थानकाचा प्रश्न निकाली निघणार असून येत्या डिसेंबरपर्यंत हे स्थानक प्रवाशांसाठी कार्यान्वित होण्याची शक्यता आहे. या रेल्वे स्थानकाजवळ असलेले रेल्वे फाटक बंद करणे आवश्यक होते. त्यासाठी उड्डाणपूल उभारण्याचे काम पालिका आणि रेल्वे यांच्यातील मतभेदामुळे अर्धवट राहिले होते. तथापि आता ते पूर्ण झाल्याने लवकरच हा उड्डाणपूल वापरासाठी खुला होणार आहे. तसेच सहा महिन्यांनी स्थानकाचे उर्वरित काम पूर्ण होणार असल्याची माहिती मुंबई रेल्वे विकास प्राधिकरणाच्या अधिकाऱ्याने दिली.
जोगेश्वरी आणि गोरेगाव या स्थानकांदरम्यान ओशिवरा हे नवे स्थानक असावे, ही मागणी अनेक वर्षांपासून प्रलंबित होती. ती मान्य होऊन ओशिवरा रेल्वे स्थानकाची उभारणीही सुरू झाली व तेथील रेल्वे फाटकातून रोज हजारो वाहनांची वाहतूक होत असल्याने पर्यायी उड्डाणपूल बांधण्याचेही मान्य करण्यात आले. रेल्वेने गोरेगावच्या दिशेला उड्डाणपूल बांधण्यास सुरुवात केली होती. रेल्वेच्या हद्दीतील उड्डाणपुलाचे काम पूर्ण झाल्यानंतरही पालिकेला हा उड्डाणपूल आपल्या हद्दीत नेण्यासाठी जागा मिळत नसल्याने काम रखडले होते. मात्र आता हा उड्डाणपूल तयार झाला असून तो १५ एप्रिलनंतर सुरू होण्याची शक्यता आहे.
उड्डाणपूल कार्यान्वित झाल्यानंतर रेल्वे फाटक बंद करणे शक्य होईल. हे फाटक बंद झाल्यानंतर फाटकाच्या दोन्ही बाजूला असलेले प्लॅटफॉर्म जोडणे, पादचारी पुलाचे काम पूर्ण करणे आदी कामे हाती घेण्यात येणार आहेत. त्यानंतर सिग्नल यंत्रणेतही बदल करावा लागणार आहे. प्लॅटफॉर्मवरील सोयीसुविधा, इंडिकेटर्स आदी सुविधाही द्याव्या लागणार आहेत. त्या सर्वांसाठी किमान सहा महिन्यांचा कालावधी लागणार असल्याने प्रत्यक्षात ओशिवरा रेल्वेस्थानक प्रवासी वापरासाठी नोव्हेंबर अखेरीपर्यंत पूर्ण होऊन डिसेंबरमध्ये ते सुरू होईल, असे रेल्वेतर्फे सांगण्यात आले.