म. टा. प्रतिनिधी, मुंबई
मध्य प्रदेश, राजस्थान, गुजरातसह देशातील अनेक भागांत पद्मावत सिनेमाविरोधातील वातावरण तापले असताना महाराष्ट्रात मात्र अंदाजे ७०० ते ८०० स्क्रीनवर हा सिनेमा प्रदर्शित होणार आहे. विशेष म्हणजे यातील अनेक ठिकाणी अॅडव्हान्स बुकिंगलाही चांगला प्रतिसाद असल्याची माहिती वितरकांकडून देण्यात आली आहे. पण यासोबतच पहिल्या दिवशी मुंबईत सिनेमा कोणत्याही गोंधळाविना प्रदर्शित होतो का, यावर पुढील चित्र अवलंबून असेल, अशी माहिती सिनेमा ओनर्स अँड एक्झिबिटर्स असोसिएशन ऑफ इंडियाकडून देण्यात आली. मुंबईत मंगळवारी 'पद्मावत'चे विशेष शो दाखवण्यात आले. पोलिस बंदोबस्तात कोणत्याही गोंधळाविना हे शो पार पडले.
येत्या २५ जानेवारीला प्रदर्शित होणाऱ्या पद्मावत सिनेमावरून देशभरातील वातावरण ढवळून निघाले आहे. मुंबईसह महाराष्ट्रात अजून तरी या सिनेमावरून अनुचित प्रकार घडलेला नसला तरी मल्टिप्लेक्स आणि थिएटर मालकांनी सावध भूमिका घेतली आहे. वादामुळे सध्यातरी ७०० ते ८०० स्क्रीनवर हा सिनेमा प्रदर्शित होईल. कोणताही अनुचित प्रकार घडला नाही तर हा आकडा अगदी दोन दिवसांत हजार स्क्रीनच्यावर जाऊ शकतो, अशी माहिती सिनेवितरकांकडून देण्यात आली.
मनसेचे सुरक्षाकवच
मुंबईमध्ये किंवा महाराष्ट्रामध्ये 'पद्मावत'च्या प्रदर्शनात कोणताही अडथळा निर्माण होऊ नये यासाठी मनसैनिक मैदानात उतरणार आहेत. पद्मावत सिनेमाला सेन्सॉर बोर्ड आणि सर्वोच्च न्यायालयाने परवानगी दिली असताना करणी सेनेने या सिनेमाला विरोध करणे चुकीचे आहे. सिनेमा प्रदर्शित होण्यापासून कोणी रोखण्याचा प्रयत्न केला तर आम्ही हाणून पाडू, असे मनसेच्या सरचिटणीस शालिनी ठाकरे यांनी सांगितले.
मध्य प्रदेश, राजस्थान, गुजरातसह देशातील अनेक भागांत पद्मावत सिनेमाविरोधातील वातावरण तापले असताना महाराष्ट्रात मात्र अंदाजे ७०० ते ८०० स्क्रीनवर हा सिनेमा प्रदर्शित होणार आहे. विशेष म्हणजे यातील अनेक ठिकाणी अॅडव्हान्स बुकिंगलाही चांगला प्रतिसाद असल्याची माहिती वितरकांकडून देण्यात आली आहे. पण यासोबतच पहिल्या दिवशी मुंबईत सिनेमा कोणत्याही गोंधळाविना प्रदर्शित होतो का, यावर पुढील चित्र अवलंबून असेल, अशी माहिती सिनेमा ओनर्स अँड एक्झिबिटर्स असोसिएशन ऑफ इंडियाकडून देण्यात आली. मुंबईत मंगळवारी 'पद्मावत'चे विशेष शो दाखवण्यात आले. पोलिस बंदोबस्तात कोणत्याही गोंधळाविना हे शो पार पडले.
येत्या २५ जानेवारीला प्रदर्शित होणाऱ्या पद्मावत सिनेमावरून देशभरातील वातावरण ढवळून निघाले आहे. मुंबईसह महाराष्ट्रात अजून तरी या सिनेमावरून अनुचित प्रकार घडलेला नसला तरी मल्टिप्लेक्स आणि थिएटर मालकांनी सावध भूमिका घेतली आहे. वादामुळे सध्यातरी ७०० ते ८०० स्क्रीनवर हा सिनेमा प्रदर्शित होईल. कोणताही अनुचित प्रकार घडला नाही तर हा आकडा अगदी दोन दिवसांत हजार स्क्रीनच्यावर जाऊ शकतो, अशी माहिती सिनेवितरकांकडून देण्यात आली.
मनसेचे सुरक्षाकवच
मुंबईमध्ये किंवा महाराष्ट्रामध्ये 'पद्मावत'च्या प्रदर्शनात कोणताही अडथळा निर्माण होऊ नये यासाठी मनसैनिक मैदानात उतरणार आहेत. पद्मावत सिनेमाला सेन्सॉर बोर्ड आणि सर्वोच्च न्यायालयाने परवानगी दिली असताना करणी सेनेने या सिनेमाला विरोध करणे चुकीचे आहे. सिनेमा प्रदर्शित होण्यापासून कोणी रोखण्याचा प्रयत्न केला तर आम्ही हाणून पाडू, असे मनसेच्या सरचिटणीस शालिनी ठाकरे यांनी सांगितले.