यशवंत आंतरराष्ट्रीय चित्रपट महोत्सव
म. टा. प्रतिनिधी, मुंबई
यशवंतराव चव्हाण प्रतिष्ठान मुंबई, पुणे फिल्म फाऊंडेशन व मुंबई विद्यापीठ यांच्यातर्फे आयोजित केल्या जाणाऱ्या यशवंत आंतरराष्ट्रीय चित्रपट महोत्सवात चतुरस्त्र अभिनेता पंकज कपूर यांना भारतीय चित्रपटसृष्टीतील अतुलनीय योगदानाबद्दल गौरविण्यात येणार आहे. २० जानेवारीला चर्चगेटच्या यशवंतराव चव्हाण सेंटरमध्ये महोत्सवाचा उद्घाटन सोहळा पार पडणार आहे. यावेळी प्रतिष्ठानचे अध्यक्ष व माजी केंद्रीय कृषिमंत्री शरद पवार यांच्या उपस्थितीत पंकज कपूर यांचा गौरव करण्यात येईल.
महोत्सवाचे यंदाचे ७वे वर्ष आहे. महोत्सवादरम्यान भारतीय चित्रपटसृष्टीत मोलाचे योगदान देणाऱ्यास गौरविण्यात येते. आजवर अनुपम खेर, वहिदा रेहमान यांसारख्या दिग्गज कलाकारांना गौरविण्यात आले आहे. यंदा चतुरस्त्र अभिनेता पंकज कपूर यांना त्यांच्या भारतीय चित्रपटसृष्टीतील अतुलनीय योगदानाबद्दल गौरविण्यात येणार आहे. ‘करमचंद’, ‘जबान संभाल के’ यांसारख्या दूरचित्रवाणीवरील मालिकेमधून सार्वजनिक कार्यालयांमध्ये होणारा भ्रष्टाचार त्यांनी आपल्यासमोर आणला . ‘राख’, ‘एक डॉक्टर की मौत’, ‘मकबूल’ या चित्रपटांसाठी त्यांना राष्ट्रीय पुरस्कार मिळाला आहे. पंकज कपूर यांना सन्मानित करण्यासाठी मुंबई विद्यापीठाचे कुलगुरु डॉ. संजय देशमुख उपस्थित राहणार असल्याचे महोत्सवाचे मुख्य समन्वयक महेंद्र तेरेदेसाई यांनी सांगितले.
म. टा. प्रतिनिधी, मुंबई
यशवंतराव चव्हाण प्रतिष्ठान मुंबई, पुणे फिल्म फाऊंडेशन व मुंबई विद्यापीठ यांच्यातर्फे आयोजित केल्या जाणाऱ्या यशवंत आंतरराष्ट्रीय चित्रपट महोत्सवात चतुरस्त्र अभिनेता पंकज कपूर यांना भारतीय चित्रपटसृष्टीतील अतुलनीय योगदानाबद्दल गौरविण्यात येणार आहे. २० जानेवारीला चर्चगेटच्या यशवंतराव चव्हाण सेंटरमध्ये महोत्सवाचा उद्घाटन सोहळा पार पडणार आहे. यावेळी प्रतिष्ठानचे अध्यक्ष व माजी केंद्रीय कृषिमंत्री शरद पवार यांच्या उपस्थितीत पंकज कपूर यांचा गौरव करण्यात येईल.
महोत्सवाचे यंदाचे ७वे वर्ष आहे. महोत्सवादरम्यान भारतीय चित्रपटसृष्टीत मोलाचे योगदान देणाऱ्यास गौरविण्यात येते. आजवर अनुपम खेर, वहिदा रेहमान यांसारख्या दिग्गज कलाकारांना गौरविण्यात आले आहे. यंदा चतुरस्त्र अभिनेता पंकज कपूर यांना त्यांच्या भारतीय चित्रपटसृष्टीतील अतुलनीय योगदानाबद्दल गौरविण्यात येणार आहे. ‘करमचंद’, ‘जबान संभाल के’ यांसारख्या दूरचित्रवाणीवरील मालिकेमधून सार्वजनिक कार्यालयांमध्ये होणारा भ्रष्टाचार त्यांनी आपल्यासमोर आणला . ‘राख’, ‘एक डॉक्टर की मौत’, ‘मकबूल’ या चित्रपटांसाठी त्यांना राष्ट्रीय पुरस्कार मिळाला आहे. पंकज कपूर यांना सन्मानित करण्यासाठी मुंबई विद्यापीठाचे कुलगुरु डॉ. संजय देशमुख उपस्थित राहणार असल्याचे महोत्सवाचे मुख्य समन्वयक महेंद्र तेरेदेसाई यांनी सांगितले.