म. टा. प्रतिनिधी, मुंबई
मुंडे घराण्यातील बहीण-भावामधील राजकीय वाद संपुष्टात येण्याची चिन्हे नसून अजूनही ग्रामविकास, महिला व बालकल्याण विभागमंत्री पंकजा मुंडे आणि विधान परिषदेतील विरोधी पक्षनेते धनंजय मुंडे यांच्यातील कलगीतुरा सुरूच असल्याचे सोमवारी पुन्हा स्पष्ट झाले. मूल जन्माला यायच्या आधीच ते नकटे आहे, असे म्हणण्याची विरोधी पक्षनेते धनंजय मुंडे यांना सवय लागली आहे. काहीही केले तरी आरोग्याला हानीकारक आहे असेच ते म्हणतात, असा टोला पंकजा यांनी लगावला.
शेजारच्या राज्याच्या धर्तीवर महाराष्ट्रात महिला व बालकल्याण विभागातर्फे बेबीकेअर कीट देण्याचे पंकजा यांनी जाहीर केले होते. त्या 'बेबीकेअर कीट' योजनेत घोटाळा झाल्याचा आरोप विरोधी पक्षनेते धनंजय मुंडे यांनी केला होता. त्यावर पंकजा यांनी वरीलप्रमाणे तिखट शब्दांत प्रतिक्रिया दिली. बेबीकेअर कीट योजनेबाबत राज्य सरकारचा अंतिम निर्णय झालेला नाही. खरेदीसाठी टेंडरही झाले नाही. ते कीट अद्याप आले नसताना ते आरोग्याला हानीकारक कसे असू शकते. याबाबत शासननिर्णय न वाचताच विरोधी पक्षनेते मुंडे त्यावर कसे आक्षेप घेऊ शकतात, असा सवाल त्यांनी केला.
खरेदी व्यवहारात गंभीर त्रुटींचा आरोप
नवजात अर्भकांसाठी बेबीकेअर कीट खरेदी व्यवहारात अनेक गंभीर त्रुटी असल्याचा दावा करून, ते नवजात अर्भकांच्या अत्यंत धोकादायक आहे. ही योजना म्हणजे ठेकेदारांचे उखळ पांढरे करण्यासाठी आहे, असा आरोप धनंजय मुंडे यांनी केला आहे. महिला व बालकल्याण नव्हे तर सार्वजनिक आरोग्य विभागामार्फत या योजनेची अंमलबजावणी करावी अशी मागणीही त्यांनी केली होती.
मुंडे घराण्यातील बहीण-भावामधील राजकीय वाद संपुष्टात येण्याची चिन्हे नसून अजूनही ग्रामविकास, महिला व बालकल्याण विभागमंत्री पंकजा मुंडे आणि विधान परिषदेतील विरोधी पक्षनेते धनंजय मुंडे यांच्यातील कलगीतुरा सुरूच असल्याचे सोमवारी पुन्हा स्पष्ट झाले. मूल जन्माला यायच्या आधीच ते नकटे आहे, असे म्हणण्याची विरोधी पक्षनेते धनंजय मुंडे यांना सवय लागली आहे. काहीही केले तरी आरोग्याला हानीकारक आहे असेच ते म्हणतात, असा टोला पंकजा यांनी लगावला.
शेजारच्या राज्याच्या धर्तीवर महाराष्ट्रात महिला व बालकल्याण विभागातर्फे बेबीकेअर कीट देण्याचे पंकजा यांनी जाहीर केले होते. त्या 'बेबीकेअर कीट' योजनेत घोटाळा झाल्याचा आरोप विरोधी पक्षनेते धनंजय मुंडे यांनी केला होता. त्यावर पंकजा यांनी वरीलप्रमाणे तिखट शब्दांत प्रतिक्रिया दिली. बेबीकेअर कीट योजनेबाबत राज्य सरकारचा अंतिम निर्णय झालेला नाही. खरेदीसाठी टेंडरही झाले नाही. ते कीट अद्याप आले नसताना ते आरोग्याला हानीकारक कसे असू शकते. याबाबत शासननिर्णय न वाचताच विरोधी पक्षनेते मुंडे त्यावर कसे आक्षेप घेऊ शकतात, असा सवाल त्यांनी केला.
खरेदी व्यवहारात गंभीर त्रुटींचा आरोप
नवजात अर्भकांसाठी बेबीकेअर कीट खरेदी व्यवहारात अनेक गंभीर त्रुटी असल्याचा दावा करून, ते नवजात अर्भकांच्या अत्यंत धोकादायक आहे. ही योजना म्हणजे ठेकेदारांचे उखळ पांढरे करण्यासाठी आहे, असा आरोप धनंजय मुंडे यांनी केला आहे. महिला व बालकल्याण नव्हे तर सार्वजनिक आरोग्य विभागामार्फत या योजनेची अंमलबजावणी करावी अशी मागणीही त्यांनी केली होती.