आज खंडग्रास सूर्यग्रहण

म. टा. प्रतिनिधी, मुंबई

आज, गुरुवारी माघ अमावास्येच्या दिवशी खंडग्रास सूर्यग्रहण होणार आहे. मात्र ते भारतातून दिसणार नसल्याचे पंचांगकर्ते खगोल अभ्यासक दा. कृ. सोमण यांनी सांगितले.

हे सूर्यग्रहण अंटार्क्टिकाचा काही भाग, पॅसिफिक महासागर, अटलांटिक महासागर, दक्षिण अमेरिकेचा दक्षिणेकडील भाग, फॉकलंड बेटे येथून दिसेल. भारतीय प्रमाण वेळेप्रमाणे उत्तररात्री १ वाजून २६ मिनिटे ते उत्तर रात्री ४ वाजून १७ मिनिटे यावेळेत हे ग्रहण होईल. यापुढील खग्रास चंद्रग्रहण या वर्षी २७ जुलै रोजी होणार असून ते भारतातून दिसणार असल्याचे सोमण यांनी सांगितले.