मुंबई : अमली पदार्थ तस्करी प्रकरणी मुंबई विमानतळावर मोठी कारवाई करण्यात आली आहे. सीमा शुल्क विभागाने (Custom) कारवाई करत तब्बल २८.१ कोटीचे कोकेन जप्त केले आहे. एका भारतीय प्रवाशाच्या बॅगमध्ये हे कोकेन लपवण्यात आले होते. खास पॅकिंग करून बॅगेत छुप्या पद्धतीने हे कोकेन लपवले होते, अशी माहिती अधिकाऱ्यांनी मंगळवारी दिली. अदिस आबाबा इथून आलेल्या आणि मुंबई विमानतळावर उतरलेल्या प्रवाशाकडून बंदी घातलेले हे ड्रग्ज जप्त करण्यात आले. गेल्या आठवड्यात शुक्रवारी ही कारवाई करण्यात आली. या प्रवाशाकडून २.८१ किलो कोकेन जप्त केल्याची माहिती सीमा शुल्क विभागाने एका पत्रकाद्वारे दिली आहे. कुणाच्या पटकन लक्षात येणार नाही अशा प्रकारे प्रवाशाच्या बॅगेत अतिशय बारकाइने पॅकिंग करून कोकेन लपवण्यात आले होते. कोकेन नेण्यासाठी खास बॅग तयार करण्यात आली होती. या बॅगेत अतिशय पातळ थर करून कोकेन लपवले होते. हे कोकेन घेऊन प्रवासी दिल्लीला निघाला होता, अशी माहिती सीमा शुल्क विभागाने दिली आहे.
आरोपी प्रवासी हा मूळचा नैनीतालचा आहे. आणि बॅगेतील कोकेन लपवण्यासाठी त्याने आपले कपडे त्यावर ठेवले होते. सोशल मीडियावरून आरोपीची एका महिलेशी ओळख झाली होती. तिच्या सांगण्यावरून आरोपी प्रवासी हा आपल्या बॅगेत कोकेन घेऊन जात होता. महिलेने प्रवाशाला हनीट्रॅपमध्ये अडकले. महिलेने आधी आरोपीला नोकरीचे आणि त्यानंतर शरीरसंबंधाचे आमिष दाखवले, अशी माहिती पत्रकातून विभागाने दिली आहे.
मुंबई विमानतळावर अमली पदार्थ जप्तीची या वर्षातील ही आतापर्यंतची तिसरी कारवाई आहे. गेल्या आठवड्यात शुक्रवारी अशाच प्रकरणात आणखी एका प्रवाशाला अटक करण्यात आली होती. त्या प्रवाशाकडून १.५९ किलो कोकेन जप्त करण्यात आले होते. या कोकेनची बाजारातील किंमत १५ कोटी इतकी आहे. हा प्रवासीही अदिस आबाबा इथून आला होता.
धावत्या लोकलमधून १२ वर्षांचा मुलगा खाली कोसळला; पोलिसाने जीव वाचवला, पण...
नवीन वर्षाच्या सुरुवातीला म्हणजे ४ जानेवारीला नैरोबीहून आलेल्या एका प्रवाशाला पकडण्यात आले होते. त्याच्याकडून ४.४७ किलो हेरॉइन जप्त करण्यात आले होते. याव्यतिरिक्त १३.७३ किलो सोने आणि १.५ कोटीचे परकीय चलनही जप्त करण्यात आले.
विमानतळावर पकडल्यावर बनावट व्हिसा प्रकरण उघड; शेतकरी कुटुंबातील दहा तरुणांची फसवणूक
आरोपी प्रवासी हा मूळचा नैनीतालचा आहे. आणि बॅगेतील कोकेन लपवण्यासाठी त्याने आपले कपडे त्यावर ठेवले होते. सोशल मीडियावरून आरोपीची एका महिलेशी ओळख झाली होती. तिच्या सांगण्यावरून आरोपी प्रवासी हा आपल्या बॅगेत कोकेन घेऊन जात होता. महिलेने प्रवाशाला हनीट्रॅपमध्ये अडकले. महिलेने आधी आरोपीला नोकरीचे आणि त्यानंतर शरीरसंबंधाचे आमिष दाखवले, अशी माहिती पत्रकातून विभागाने दिली आहे.
मुंबई विमानतळावर अमली पदार्थ जप्तीची या वर्षातील ही आतापर्यंतची तिसरी कारवाई आहे. गेल्या आठवड्यात शुक्रवारी अशाच प्रकरणात आणखी एका प्रवाशाला अटक करण्यात आली होती. त्या प्रवाशाकडून १.५९ किलो कोकेन जप्त करण्यात आले होते. या कोकेनची बाजारातील किंमत १५ कोटी इतकी आहे. हा प्रवासीही अदिस आबाबा इथून आला होता.
धावत्या लोकलमधून १२ वर्षांचा मुलगा खाली कोसळला; पोलिसाने जीव वाचवला, पण...
नवीन वर्षाच्या सुरुवातीला म्हणजे ४ जानेवारीला नैरोबीहून आलेल्या एका प्रवाशाला पकडण्यात आले होते. त्याच्याकडून ४.४७ किलो हेरॉइन जप्त करण्यात आले होते. याव्यतिरिक्त १३.७३ किलो सोने आणि १.५ कोटीचे परकीय चलनही जप्त करण्यात आले.
विमानतळावर पकडल्यावर बनावट व्हिसा प्रकरण उघड; शेतकरी कुटुंबातील दहा तरुणांची फसवणूक