आठव्या मजल्यावरून रुग्णानं मारली उडी

मटा ऑनलाइन वृत्त । मुंबई

मुंबईतील मरोळ भागात असलेल्या सेव्हन हिल्स रुग्णालयाच्या आठव्या मजल्यावरून उडी मारून एका रुग्णानं आत्महत्या केली आहे. रामसिंग जयस्वाल असं मृताचं नाव आहे. तो ५६ वर्षांचा होता.

आज सकाळी दहा वाजण्याच्या सुमारास ही घटना घडली. आत्महत्येचं नेमकं कारण अद्याप स्पष्ट होऊ शकलेलं नाही. मात्र, आजारपणाला कंटाळून त्यांनी हे पाऊल उचललं असावं, असं सांगण्यात येत आहे. मिळालेल्या माहितीनुसार, रामसिंग यांची नुकतीच बायपास सर्जरी झाली होती. एमआयडीसी पोलीस रुग्णालयात पोहोचले असून पुढील तपास सुरू आहे.