मुंबई: आकर्षक स्लीपर व लक्झरी गाड्या आणि दर्जेदार सेवा यामुळे महाराष्ट्र आणि गोवा या दोन्ही राज्यांसह दक्षिण भारतात खासगी प्रवासी सेवेत दबदबा निर्माण करणाऱ्या पावलो ट्रॅव्हल्सचे मालक मारियो परेरा यांचे करोना संसर्गामुळे निधन झाले आहे. मारियो यांच्या निधनाने पावलो ट्रॅव्हल्स कंपनी पोरकी झाली असून या कंपनीच्या बसेसवर काम करणाऱ्या चालकांनी आपल्या मालकाला अगदी अनोख्या पद्धतीने अखेरचा निरोप दिला. यातून मारियो यांचं कर्मचाऱ्यांशी किती अतुट नातं होतं याचंही दर्शन घडलं. ( Paulo Travels Owner Mario Pereira Dies Of Covid 19 )
गोव्यातील म्हापसा येथे जन्मलेले मारियो सुकूर परेरा यांनी पावलो हॉलिडे मेकर्स कंपनीची धुरा यशस्वीपणे सांभाळली. पर्यटक आणि प्रवाशांममध्ये कंपनीबद्दल असलेले विश्वासाचे नाते त्यांनी अधिक दृढ केले. महाराष्ट्र आणि गोवा या दोन्ही राज्यांत महत्त्वाच्या मार्गांवर 'पावलो ट्रॅव्हल्स'च्या बस चालतात. याशिवाय दक्षिणेकडच्या काही राज्यांतही पावलोच्या बस धावतात. प्रामुख्याने मुंबई-गोवा महामार्गावर पावलो ट्रॅव्हल्सची बससेवा सर्वात लोकप्रिय आहे. आकर्षक बस आणि दर्जेदार सेवा ही पावलो बसची ओळख आहे. या मार्गावर स्लीपर कोच असणाऱ्या बस सर्वप्रथम पावलो ट्रॅव्हल्सने आणल्या. प्रवाशांना नवं काहीतरी देण्याचा सतत या ट्रॅव्हल्सचा प्रयत्न राहिला. त्यामुळेच प्रवासी आणि पावलो ट्रॅव्हल्समध्ये एक खास नातं तयार झालं. अर्थात याचं सारं श्रेय मारियो परेरा यांनाच होतं. गोव्यात उपजतच असलेला प्रेमळपणा त्यांनी व्यवसायातही उतरवला आणि एखाद्या परिवाराप्रमाणे चालक व अन्य कर्मचारी वर्गाला जपलं. त्यामुळे मारियो परेरा यांच्या निधनानंतर या ट्रॅव्हल्सशी जोडले गेलेले सारेच हळहळले.
करोनाच्या साथीनेच पावलोला पोरकं केलं. ६२ वर्षीय मारियो परेरा यांना काही दिवसांपूर्वी करोनाची लागण झाली. त्यानंतर गेल्या १५ दिवसांपासून उपचारासाठी त्यांना बांबोळी येथील गोवा शासकीय रुग्णालयात दाखल करण्यात आले होते. तिथे त्यांची प्रकृती अधिकाधिक खालावत गेली आणि त्यातच त्यांचे बुधवारी निधन झाले. मारियो यांच्या पश्चात पत्नी आणि मुलगा मायरन असा परिवार आहे. मारियो यांच्या निधनाने पावलो परिवार शोकमग्न झाला आहे.
मालकाला असा दिला अखेरचा निरोप
मारियो परेरा यांना कंपनीतील चालकांनी अनोख्या पद्धतीने मानवंदना दिली. मारियो यांच्यावर म्हापसा येथे अंत्यसंस्कार करण्यात आले. त्यांचे पार्थिव ज्या अॅम्ब्युलन्समध्ये ठेवण्यात आलं होतं त्यामागे गाड्यांचा खूप मोठा ताफा पाहायला मिळाला. पावलो ट्रॅव्हल्सच्या सर्व बस रस्त्यावर उतरल्या होत्या. थोडे हटके हॉर्न ही या ट्रॅव्हल्सची खासियत आहे. हे हॉर्न वाजवत चालकांनी मारियो यांना मानवंदना दिली. मारियो यांच्या अंत्ययात्रेचं दृष्य भावुक करणारं होतं.
गोव्यातील म्हापसा येथे जन्मलेले मारियो सुकूर परेरा यांनी पावलो हॉलिडे मेकर्स कंपनीची धुरा यशस्वीपणे सांभाळली. पर्यटक आणि प्रवाशांममध्ये कंपनीबद्दल असलेले विश्वासाचे नाते त्यांनी अधिक दृढ केले. महाराष्ट्र आणि गोवा या दोन्ही राज्यांत महत्त्वाच्या मार्गांवर 'पावलो ट्रॅव्हल्स'च्या बस चालतात. याशिवाय दक्षिणेकडच्या काही राज्यांतही पावलोच्या बस धावतात. प्रामुख्याने मुंबई-गोवा महामार्गावर पावलो ट्रॅव्हल्सची बससेवा सर्वात लोकप्रिय आहे. आकर्षक बस आणि दर्जेदार सेवा ही पावलो बसची ओळख आहे. या मार्गावर स्लीपर कोच असणाऱ्या बस सर्वप्रथम पावलो ट्रॅव्हल्सने आणल्या. प्रवाशांना नवं काहीतरी देण्याचा सतत या ट्रॅव्हल्सचा प्रयत्न राहिला. त्यामुळेच प्रवासी आणि पावलो ट्रॅव्हल्समध्ये एक खास नातं तयार झालं. अर्थात याचं सारं श्रेय मारियो परेरा यांनाच होतं. गोव्यात उपजतच असलेला प्रेमळपणा त्यांनी व्यवसायातही उतरवला आणि एखाद्या परिवाराप्रमाणे चालक व अन्य कर्मचारी वर्गाला जपलं. त्यामुळे मारियो परेरा यांच्या निधनानंतर या ट्रॅव्हल्सशी जोडले गेलेले सारेच हळहळले.
करोनाच्या साथीनेच पावलोला पोरकं केलं. ६२ वर्षीय मारियो परेरा यांना काही दिवसांपूर्वी करोनाची लागण झाली. त्यानंतर गेल्या १५ दिवसांपासून उपचारासाठी त्यांना बांबोळी येथील गोवा शासकीय रुग्णालयात दाखल करण्यात आले होते. तिथे त्यांची प्रकृती अधिकाधिक खालावत गेली आणि त्यातच त्यांचे बुधवारी निधन झाले. मारियो यांच्या पश्चात पत्नी आणि मुलगा मायरन असा परिवार आहे. मारियो यांच्या निधनाने पावलो परिवार शोकमग्न झाला आहे.
मालकाला असा दिला अखेरचा निरोप
मारियो परेरा यांना कंपनीतील चालकांनी अनोख्या पद्धतीने मानवंदना दिली. मारियो यांच्यावर म्हापसा येथे अंत्यसंस्कार करण्यात आले. त्यांचे पार्थिव ज्या अॅम्ब्युलन्समध्ये ठेवण्यात आलं होतं त्यामागे गाड्यांचा खूप मोठा ताफा पाहायला मिळाला. पावलो ट्रॅव्हल्सच्या सर्व बस रस्त्यावर उतरल्या होत्या. थोडे हटके हॉर्न ही या ट्रॅव्हल्सची खासियत आहे. हे हॉर्न वाजवत चालकांनी मारियो यांना मानवंदना दिली. मारियो यांच्या अंत्ययात्रेचं दृष्य भावुक करणारं होतं.