म. टा. प्रतिनिधी, मुंबई
मुंबई पोलिस खात्यातील निवृत्त वरिष्ठ पोलिस निरीक्षक धनंजय बागायतकर यांना दिलेल्या अपमानास्पद वागणुकीची दखल घेऊन सहपोलिस आयुक्त देवेन भारती यांना महाराष्ट्र प्रशासकीय न्यायाधिकरणाने (मॅट) पाच हजार रुपयांचा दंड ठोठावला आहे. ही रक्कम देवेन भारती यांनी चार आठवड्यांत स्वतःच्या वेतनातून द्यावी, असेही ‘मॅट’ने स्पष्ट केले आहे.
या प्रकरणी तक्रारदार धनंजय बागायतकर यांनी गृहखात्याचे अतिरिक्त मुख्य सचिव, पोलिस महासंचालक, मुंबई पोलिस आयुक्त, सहपोलिस आयुक्त देवेन भारती यांच्याविरुद्ध ‘मॅट’कडे दाद मागितली होती. त्याची ‘मॅट’चे उपाध्यक्ष आर. बी. मलिक यांच्यापुढे सुनावणी होऊन त्यांनी नुकताच हा निकाल दिला. अर्जदारातर्फे अॅड. राजेश्वर पांचाळ, तर प्रतिवादींतर्फे अॅड. के. एस. गायकवाड यांनी बाजू मांडली.
काही पोलिसांनी केलेला भ्रष्टाचार रोखण्यात अपयश आल्याच्या कारणाखाली तक्रारदारास ११ एप्रिल, २०१३ ते १७ जून, २०१४ या कालावधीसाठी निलंबित करण्यात आले होते. हा कालावधी ड्युटीचा कालावधी मानून त्याचे वेतन व्याजासह देण्यात यावे, असे तक्रारदाराचे म्हणणे होते. त्याशिवाय निवृत्तीचे ग्रँच्युइटी व अन्य लाभ मिळावेत, अशीही तक्रारदाराची विनंती होती. तक्रारदाराचे निलंबन रद्द करून त्यांना १७ जून, २०१६च्या आदेशानुसार सेवेत घेण्यात आले होते. दरम्यानच्या काळात तक्रारदाराची खातेनिहाय चौकशी करण्यात आली होती, त्यालासुद्धा आव्हान देण्यात आले व खातेनिहाय चौकशीचा आदेशही ३१ मार्च, २०१६ रोजी ‘मॅट’ने रद्द केला होता. तक्रारदाराच्या बाजूने निकाल लागूनसुद्धा आदेशांची अंमलबजावणी करताना तक्रारदारास हेतुपूर्वक त्रास देण्यात आला होता. त्यामागे देवेन भारती हे असल्याचे अॅड. पांचाळ यांनी ‘मॅट’च्या निदर्शनाला आणले. त्याबद्दल तक्रारदारास नुकसानभरपाई देण्यात यावी, असेही त्यांनी नमूद केले.
मोठा दंड अनुचित
‘मॅट’ने ३१ मार्च, २०१६ रोजी दिलेल्या आदेशाचा विचार करता शिक्षा देण्याच्या आपल्या निवड अधिकारात ‘मॅट’ने हस्तक्षेप केला आहे. मात्र बागायतकर हे निरपराध असून त्यांना सर्व आरोपांतून मुक्त केले आहे, असा अर्थ होत नाही, असे उत्तर देवेन भारती यांनी ‘मॅट’ला दिले होते. भारती यांचे हे उत्तर ‘मॅट’ला पाठविण्यात आले होते. त्या उत्तराची भाषा लक्षात घेऊन ‘मॅट’ने त्याची गंभीर दखल घेतली. त्याबद्दल भारती यांना मोठा दंड ठोठावल्यास त्याचे विपरित परिणाम होण्याची शक्यता आहे, असा मुद्दा मांडत ‘मॅट’ने भारती यांना पाच हजार रुपये दंड ठोठावला.
मुंबई पोलिस खात्यातील निवृत्त वरिष्ठ पोलिस निरीक्षक धनंजय बागायतकर यांना दिलेल्या अपमानास्पद वागणुकीची दखल घेऊन सहपोलिस आयुक्त देवेन भारती यांना महाराष्ट्र प्रशासकीय न्यायाधिकरणाने (मॅट) पाच हजार रुपयांचा दंड ठोठावला आहे. ही रक्कम देवेन भारती यांनी चार आठवड्यांत स्वतःच्या वेतनातून द्यावी, असेही ‘मॅट’ने स्पष्ट केले आहे.
या प्रकरणी तक्रारदार धनंजय बागायतकर यांनी गृहखात्याचे अतिरिक्त मुख्य सचिव, पोलिस महासंचालक, मुंबई पोलिस आयुक्त, सहपोलिस आयुक्त देवेन भारती यांच्याविरुद्ध ‘मॅट’कडे दाद मागितली होती. त्याची ‘मॅट’चे उपाध्यक्ष आर. बी. मलिक यांच्यापुढे सुनावणी होऊन त्यांनी नुकताच हा निकाल दिला. अर्जदारातर्फे अॅड. राजेश्वर पांचाळ, तर प्रतिवादींतर्फे अॅड. के. एस. गायकवाड यांनी बाजू मांडली.
काही पोलिसांनी केलेला भ्रष्टाचार रोखण्यात अपयश आल्याच्या कारणाखाली तक्रारदारास ११ एप्रिल, २०१३ ते १७ जून, २०१४ या कालावधीसाठी निलंबित करण्यात आले होते. हा कालावधी ड्युटीचा कालावधी मानून त्याचे वेतन व्याजासह देण्यात यावे, असे तक्रारदाराचे म्हणणे होते. त्याशिवाय निवृत्तीचे ग्रँच्युइटी व अन्य लाभ मिळावेत, अशीही तक्रारदाराची विनंती होती. तक्रारदाराचे निलंबन रद्द करून त्यांना १७ जून, २०१६च्या आदेशानुसार सेवेत घेण्यात आले होते. दरम्यानच्या काळात तक्रारदाराची खातेनिहाय चौकशी करण्यात आली होती, त्यालासुद्धा आव्हान देण्यात आले व खातेनिहाय चौकशीचा आदेशही ३१ मार्च, २०१६ रोजी ‘मॅट’ने रद्द केला होता. तक्रारदाराच्या बाजूने निकाल लागूनसुद्धा आदेशांची अंमलबजावणी करताना तक्रारदारास हेतुपूर्वक त्रास देण्यात आला होता. त्यामागे देवेन भारती हे असल्याचे अॅड. पांचाळ यांनी ‘मॅट’च्या निदर्शनाला आणले. त्याबद्दल तक्रारदारास नुकसानभरपाई देण्यात यावी, असेही त्यांनी नमूद केले.
मोठा दंड अनुचित
‘मॅट’ने ३१ मार्च, २०१६ रोजी दिलेल्या आदेशाचा विचार करता शिक्षा देण्याच्या आपल्या निवड अधिकारात ‘मॅट’ने हस्तक्षेप केला आहे. मात्र बागायतकर हे निरपराध असून त्यांना सर्व आरोपांतून मुक्त केले आहे, असा अर्थ होत नाही, असे उत्तर देवेन भारती यांनी ‘मॅट’ला दिले होते. भारती यांचे हे उत्तर ‘मॅट’ला पाठविण्यात आले होते. त्या उत्तराची भाषा लक्षात घेऊन ‘मॅट’ने त्याची गंभीर दखल घेतली. त्याबद्दल भारती यांना मोठा दंड ठोठावल्यास त्याचे विपरित परिणाम होण्याची शक्यता आहे, असा मुद्दा मांडत ‘मॅट’ने भारती यांना पाच हजार रुपये दंड ठोठावला.