थकबाकीचा प्रश्न निकाली

मुंबईः मुंबईतील अतिरिक्त शिक्षकांच्या थकबाकीच्या रक्कमेचा प्रश्न अखेर निकाली आहे. अतिरिक्त शिक्षकांची डिसेंबर, २०१६ व जानेवारी, २०१७ या दोन महिन्यांची वेतन थकबाकीची रक्कम शिक्षकांच्या खात्यात कधी जमा होणार, याप्रश्नी अनेक शिक्षक संघटनांनी आंदोलने केली होती. शिक्षण विभागाच्या या निर्णयामुळे अतिरिक्त शिक्षकांना दिलासा मिळाला आहे.

मुंबईतील अनेक शाळांमधील शिक्षक अतिरिक्त झाले होते त्यांचे समायोजन इतर शाळांनी करून न घेतल्याने वेतनही बंद होते. याबाबत शिक्षक परिषदेतर्फे शिक्षणमंत्री व शिक्षण आयुक्तांकडे तक्रार केली होती.