म. टा. विशेष प्रतिनिधी, मुंबई
'दहीहंडी उत्सवाच्या दिवशी भाजप आमदार राम कदम यांनी मुली व महिलांविषयी वादग्रस्त व आक्षेपार्ह विधान केल्यानंतर त्याविषयी तक्रार देऊनही पोलिस गुन्हा नोंदवण्यास तयार नाहीत. पोलिसांवर वरिष्ठ पातळीवरून दबाव असल्याने पोलिसांना गुन्हा नोंदवण्याचे निर्देश द्यावेत', अशी विनंती करणारी फौजदारी रिट याचिका मुंबई उच्च न्यायालयात करण्यात आली आहे.
'एखादी मुलगी पसंत असेल, पण ती लग्नाला नकार देत असेल तर मला सांगा. तिला पळवून आणण्यात मी मदत करेन. शंभर टक्के चुकीचे असले तरी मी मदत करेन', असे वादग्रस्त वक्तव्य कदम यांनी आपल्या दहीहंडी आयोजनात उपस्थित गोविंदांसमोर जाहीरपणे केले होते. या वादग्रस्त व कायद्याच्या विरुद्ध वक्तव्याने आपण दुखावलो. त्यामुळे पुण्यातील सिंहगड पोलिस ठाण्यात तात्काळ लेखी तक्रार देऊन गुन्हा नोंदवण्याची विनंती केली. मात्र, पोलिसांनी वारंवार टाळाटाळ करत गुन्हा नोंदवणे टाळले आहे. पोलिसांची ही कृती बेकायदा असल्याने त्याची दखल घ्यावी, अशी विनंती राष्ट्रवादी काँग्रेसच्या रुपाली चाकणकर यांनी याचिकेत केली आहे. तसेच पोलिसांना गुन्हा नोंदवण्याचे निर्देश देण्याची विनंती त्यांनी केली आहे. याविषयी लवकरच न्यायालयात सुनावणी होण्याची शक्यता आहे.
'दहीहंडी उत्सवाच्या दिवशी भाजप आमदार राम कदम यांनी मुली व महिलांविषयी वादग्रस्त व आक्षेपार्ह विधान केल्यानंतर त्याविषयी तक्रार देऊनही पोलिस गुन्हा नोंदवण्यास तयार नाहीत. पोलिसांवर वरिष्ठ पातळीवरून दबाव असल्याने पोलिसांना गुन्हा नोंदवण्याचे निर्देश द्यावेत', अशी विनंती करणारी फौजदारी रिट याचिका मुंबई उच्च न्यायालयात करण्यात आली आहे.
'एखादी मुलगी पसंत असेल, पण ती लग्नाला नकार देत असेल तर मला सांगा. तिला पळवून आणण्यात मी मदत करेन. शंभर टक्के चुकीचे असले तरी मी मदत करेन', असे वादग्रस्त वक्तव्य कदम यांनी आपल्या दहीहंडी आयोजनात उपस्थित गोविंदांसमोर जाहीरपणे केले होते. या वादग्रस्त व कायद्याच्या विरुद्ध वक्तव्याने आपण दुखावलो. त्यामुळे पुण्यातील सिंहगड पोलिस ठाण्यात तात्काळ लेखी तक्रार देऊन गुन्हा नोंदवण्याची विनंती केली. मात्र, पोलिसांनी वारंवार टाळाटाळ करत गुन्हा नोंदवणे टाळले आहे. पोलिसांची ही कृती बेकायदा असल्याने त्याची दखल घ्यावी, अशी विनंती राष्ट्रवादी काँग्रेसच्या रुपाली चाकणकर यांनी याचिकेत केली आहे. तसेच पोलिसांना गुन्हा नोंदवण्याचे निर्देश देण्याची विनंती त्यांनी केली आहे. याविषयी लवकरच न्यायालयात सुनावणी होण्याची शक्यता आहे.